კრიპტოვალუტები სანქციების თავიდან ასაცილებლად არ გამოდგება
Binance-ის აღმასრულებელი დირექტორის აზრით, ეკონომიკური სანქციების თავიდან ასაცილებლად კრიპტოვალუტების გამოყენება ვერ გამოდგება, რადგან სამართალდამცავები ტრანზაქციების კონტროლს სულ უფრო აუმჯობესებენ.
ჩენპენ ჯაომ (Changpeng Zhao) CNN-თან ინტერვიუში აღნიშნა, რომ ამერიკელი და ევროპელი კანონმდებლების მოსაზრებას
კრიპტოვალუტების სანქციების გვერდის ავლისთვის გამოყენებასთან დაკავშირებით არ ეთანხმება.
მარტში, რუსულ რუბლთან წყვილში ვაჭრობის მოცულობის ზრდის ფონზე ამაში ევროპის ცენტრალური ბანკის პრეზიდენტმა, კრისტინ ლაგარდმა (Christine Lagarde) რუსები დაადანაშაულა.
ჯაო ლაგარდს კატეგორიულად არ ეთანხმება.
ის მიიჩნევს, რომ სანქციების თავიდან აცილების მიზნით კრიპტოვალუტების გამოყენება ყველაზე ცუდი რამ არის, რისი გაკეთებაც შეიძლება:
„ვფიქრობ, ეკონომიკური სანქციების უარყოფითი გავლენის შესამცირებლად კრიპტოვალუტების გამოყენება მითია. ფიატურ ვალუტებთან შედარებით ციფრული ვალუტა უფრო ადვილად კონტროლდება.
მთავრობები და სამართალდამცავი ორგანოები კრიპტო აქტივებით ტრანზაქციების მონიტორინგს აუმჯობესებენ, ამიტომ ისინი მითითებული მიზნისთვის არ გამოდგება.“
თავისი აზრის დასამტკიცებლად ბირჟის აღმასრულებელმა დირექტორმა მაგალითად Chainalysis-ის მონაცემები მოიყვანა, რომელთა მიხედვით უკანონო ქმედებებთან ბიტკოინის ყველა ტრანზაქციის მხოლოდ 0,32% არის დაკავშირებული.
მაშინ, როცა გაეროს მონაცემებით საბანკო ოპერაციების შემთხვევაში იგივე მაჩვენებელი 2%-დან 5%-მდეა.
ჯაოს თქმით, კრიპტო ტრანზაქციები ბევრად უფრო უსაფრთხოა, მაგრამ მარეგულირებლების უმეტესობა რატომღაც კრიპტოვალუტების შეფერხებაზეა კონცენტრირებული.
Binance-ის ხელმძღვანელი ირწმუნება, რომ ბირჟა სანქციების მოთხოვნებს აკმაყოფილებს და რომ ის განურჩევლად ყველა რუსი მომხმარებლის ანგარიშის დაბლოკვას არ აპირებს.
Coinbase-ის სავაჭრო პლატფორმის აღმასრულებელი დირექტორი ბრაიან არმსტრონგი (Brian Armstrong) ასევე მიიჩნევს, რომ რუს ოლიგარქებს სანქციების გვერდის ავლისთვის კრიპტოვალუტების გამოყენება არ სჭირდებათ და ბირჟა ტრეიდერებს რუსეთის ფედერაციიდან პლატფორმის გამოყენებას არ აუკრძალავს .
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)