ამერიკელთა აზრით კრიპტოვალუტები ფინანსური სისტემის მომავალია

ამერიკელთა აზრით კრიპტოვალუტები ფინანსური სისტემის მომავალია

ამერიკელთა 50%-ის აზრით კრიპტოვალუტები ფინანსური სისტემის მომავალია.

კომპანია StarkWare-ის ანალიტიკოსებმა გაარკვიეს, რომ კრიპტორევოლუციის ყველაზე აქტიური მხარდამჭერები ციფრული აქტივების 34 წლამდე  მფლობელებს შორის არიან.

StarkWare-მა, რომელიც აბლოკჩეინის ინფრასტრუქტურის შექმნაშია სპეციალიზირებული,  კვლევის შედეგები გამოაქვეყნა, საიდანაც ირკვევა, რომ აშშ-ს მოქალაქეების უმრავლესობის აზრით, კრიპტოვალუტებს  ფინანსური სისტემის რევოლუციის მოხდენა შეუძლიათ.

StarkWare-ის აღმასრულებელმა დირექტორმა იური კოლოდნიმ გამოკითხვის შედეგებს ამაღელვებელი უწოდა:

„შედეგები კრიპტოვალუტების მიმართ უზარმაზარ ენთუზიაზმს აჩვენებს. თუ ჩვენ  უფრო ჭკვიანურად მუშაობას არ დავიწყებთ, ბლოკჩეინი მზარდ მოთხოვნასთან გამკლავებას უბრალოდ ვერ შეძლებს.“

StarkWare-ის დაკვეთით ჩატარებული გამოკითხვის მიხედვით, ამერიკელთა 50%-ს სჯერა, რომ კრიპტოვალუტა  „ფინანსების მომავალია“. ამ თვალსაზრისს 25-დან 34 წლამდე გამოკითხულთა 68%-მა და 35-დან 44 წლამდე ასაკის 61%-მა დაუჭირა მხარი.

 კვლევამ ასევე აჩვენა, რომ კრიპტოვალუტებს რაიმე ფორმით ამერიკელთა 17% ფლობს . 25-დან 34 წლამდე რესპონდენტებს შორის ეს მაჩვენებელი უფრო მაღალია და 28%-ს შეადგენს.

 ამერიკელთა უმეტესობის თვალსაზრისით, ეკოლოგიური საკითხები კრიპტოვალუტების მთავარ მინუსს წარმოადგენს.

გამოკითხულთა 34%-ის განცხადებით, აუცილებელია კრიპტოვალუტების ნახშირბადის კვალის შემცირება.

„მწვანე მაინინგის“ მომხრეების ყველაზე დიდი მაჩვენებელი (49%)  25-დან 34 წლამდე ახალგაზრდებს შორის გამოვლინდა. კოლოდნის  თქმით, ბიტკოინის ეკოლოგიურობასთან დაკავშირებული გამოკითხვის შედეგები მისთვის მოულოდნელი იყო.

„კრიპტოვალუტის ტრანზაქცისას წარმოქმნილ ნახშირბადის კვალთან დაკავშირებულ შეშფოთებასა და პრობლემის გადაჭრის ენთუზიაზმს ველოდით. მაგრამ, არა იმ მასშტაბებით, რომლებიც აღმოვაჩინეთ.“- განაცხადა StarkWare-ის ხელმძღვანელმა.

StarkWare-ის მონაცემები, რომლებიც კრიპტოვალუტის ინვესტორების რაოდენობას ასახავს , ოდნავ განსხვავდება ანალიტიკური კომპანიის Morning Consult-ის მონაცემებისგან, რომელიც ამტკიცებს, რომ აშშ-ში კრიპტოვალუტის მფლობელთა არა 19%, არამედ 17%-ია.