კრიპტოვალუტის აკრძალვა ბიზნესის ოფშორში გადასვლას გამოიწვევს
საერთაშორისო სავალუტო ფონდის (IMF) მთავარ ეკონომისტს გიტა გოპინათს მიაჩნია, რომ კრიპტოვალუტებს აკრძალვის ნაცვლად რეგულირება სჭირდებათ.
საერთაშორისო სავალუტო ფონდის მთავარმა ეკონომისტმა და კვლევითი დეპარტამენტის ხელმძღვანელმა გიტა გოპინათმა (Gita Gopinath),
გამოყენებითი ეკონომიკური კვლევების ეროვნული საბჭოს კონფერენციაზე ისეთი გლობალური პოლიტიკის გატარების აუცილებლობაზე ისაუბრა, რომელიც კრიპტოვალუტებს დაარეგულირებს.
გიტა გოპინათის აზრით, თუ ქვეყნები კრიპტოვალუტებს აკრძალავენ, მათ არ ექნებათ კონტროლი ოფშორულ ბირჟებზე, რომლებიც მათ იურისდიქციას არ ექვემდებარება.
ამან შესაძლოა კრიპტოვალუტის სფეროში კანონმდებლობის შეუსრულებლობა გამოიწვიოს.
„თუ კრიპტოვალუტების აკრძალვა ნამდვილად გსურთ, მაშინ აკრძალვასთან დაკავშირებით პრობლემებია, რადგან ბევრი ბირჟა ოფშორში მდებარეობს და კონკრეტული ქვეყნის კანონებს არ ექვემდებარება.“
კრიპტოვალუტის აქტივების და მათთან დაკავშირებული წარმოებული პროდუქტების პოპულარობის მკვეთრი ზრდა საერთაშორისო სავალუტო ფონდის ღრმა შეშფოთებას იწვევს.
საერთაშორისო სავალუტო ფონდი მიიჩნევს, რომ გლობალური მონეტარული და ფინანსური სისტემის სტაბილურობა მარეგულირებლების მიერ კრიპტოვალუტის ინდუსტრიის კონტროლის ხარისხზეა დამოკიდებული და გლობალური საერთაშორისო რეგულაციების შემოღებას სთავაზობს.
საერთაშორისო სავალუტო ფონდი სხვადასხვა იურისდიქციაში სტეიბლკოინების რეგულირების ნაკლებობით არანაკლებ არის შეშფოთებული.ფონდში მიიჩნევენ, რომ ამან შესაძლოა გლობალურ ფინანსურ სისტემაზე უარყოფითად იმოქმედოს.
კრიპტოვალუტებთან დაკავშირებული კანონდარღვევის ფაქტები ოფშორულ ზონებში უკვე დაფიქსირდა. სექტემბერში, აშშ-ს სასაქონლო ფიუჩერსების სავაჭრო კომისიამ (CFTC) ოფშორულ კომპანია Laino Group Limited-ს აშშ-ს მოქალაქეებისთვის კრიპტოვალუტის ფიუჩერსებით ვაჭრობის სერვისების მიწოდებისთვის ბრალი წაუყენა.
ოქტომბერში გაჩნდა ინფორმაცია, რომ ამერიკული კრიპტოვალუტის კომპანიები საგადასახადო დატვირთვის შესამცირებლად კუნძულ პუერტო-რიკოზე მიგრირებდნენ. ეს არის აშშ-ს მიერ მართული ოფშორული ზონა ნულოვანი საშემოსავლო გადასახადით.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)