კრიპტოვალუტის ბაზარი ძალიან ცენტრალიზებულია

კრიპტოვალუტის ბაზარი ძალიან ცენტრალიზებულია

აშშ-ის ფასიანი ქაღალდებისა და ბირჟების კომისიის (SEC) თავმჯდომარის გარი გენსლერის განცხადებით, კრიპტოვალუტის ბაზარი არც ისეთი დეცენტრალიზებულია.

ეს მოსაზრება გარი გენსლერმა (Gary Gensler) ფასიანი ქაღალდების ინდუსტრიისა და ფინანსური ბაზრების ასოციაციის ყოველწლიურ შეხვედრაზე გააჟღერა.

გენსლერმა აღნიშნა, რომ ამჟამად აშშ-ში არსებული ყველა აქტივის 80%-ზე მეტს მხოლოდ ოთხი აქტივების მმართველი კომპანია აკონტროლებს. 

მარკეტმეიკერები, რომლებიც  საცალო ბაზარზე მუშაობენ, ასევე მიდრეკილნი არიან ცენტრალიზაციისკენ,

რადგან ვაჭრობა ძირითადად ბირჟების გარეთ ხდება. გენსლერის მტკიცებით, ცენტრალიზაციის ტენდენცია კრიპტოვალუტის ბაზარზეც ვრცელდება , რომელიც დეცენტრალიზაციის იდეაზეა დაფუძნებული.

SEC-ის თავმჯდომარის თქმით, კრიპტოვალუტის ინდუსტრიაში შუამავლები დომინირებენ, რაც კომპანიებს შორის კონკურენციას ახშობს. ეს ცენტრალიზებული შუამავლები „მასშტაბით, ქსელის ეფექტებით და ღირებული მონაცემების ხელმისაწვდომობით“ სარგებლობენ.

გენსლერი კრიპტოვალუტის ბირჟებს და დაკრედიტების პლატფორმებს გულისხმობდა , რომლებიც ლიკვიდური ციფრული აქტივებისთვის  სავაჭრო შესაძლებლობებს ქმნიან.  მისი თქმით, კრიპტოვალუტის ბაზრის დაცემის დროს,

რომელიც მაისში პროექტ Terra-ს დაშლას მოჰყვა, გაკოტრებული კომპანიები მხარდაჭერისთვის ისეთ წამყვან კრიპტო ბირჟებს მიმართავენ , როგორიცაა FTX და Binance.

„ბირჟები და დაკრედიტების პლატფორმები, რომლებიც კრიპტოვალუტის ბაზარზე შუამავლის როლს ასრულებენ , ძალიან ცენტრალიზებულია. მიუხედავად იმისა, რომ არსებულ ბიზნეს მოდელებში ტექნოლოგიურ ინოვაციებს დრამატულ ცვლილებებს მოაქვსთ, კრიპტოვალუტის სექტორში ცენტრალიზაცია კვლავ გრძელდება. ამიტომ, ჩვენ  ფხიზლად უნდა ვიყოთ და ეს სფერო მკაცრად დავარეგულიროთ  “ – განაცხადა SEC-ის თავმჯდომარემ.

გენსლერს მიაჩნია, რომ კრიპტოვალუტის ბაზარი სხვა ფინანსური ბაზრებისგან დიდად არ განსხვავდება  და უახლესი ტექნოლოგიების გამოყენების მიუხედავად, ის ანალოგიურად უნდა დარეგულირდეს. სექტემბერში გენსლერმა განაცხადა, რომ Ethereum-ის ქსელის შერწყმის შემდეგ, Ethereum შეიძლება ფასიანი ქაღალდების კანონებს დაექვემდებაროს.