კრიპტოვალუტის კაპიტალიზაცია ტრილიონობით დოლარს მიაღწევს
Bitmain Technologies-ის თანადამფუძნებლისა და ყოფილი აღმასრულებელი დირექტორის ჯიჰან ვუს აზრით, ბაზარზე კრიპტოვალუტების მხოლოდ 5% შეიძლება დარჩეს,
მაგრამ ისინი მნიშვნელოვან ზრდას აჩვენებენ.
ჯიჰან ვუ მიიჩნევს, რომ კრიპტოვალუტების გრძელვადიანი ზრდა მათი ფასის მერყეობას მნიშვნელოვნად გადაწონის.
„მაშინაც კი, თუ დღევანდელი მონეტების 95% ღირებულებას მთლიანად დაკარგავს და გაქრება, დანარჩენი 5% მნიშვნელოვნად გაიზრდება.“
ვუს აზრით, კრიპტოვალუტის ინდუსტრია უნიკალური ინოვაციების განვითარებას გააგრძელებს, რადგან ის ტრადიციული ფინანსური სისტემის შეზღუდვებს არ ექვემდებარება.
„ისეთი ინოვაციებისგან, როგორიც DeFi-ა, სუნთქვა გეკვრის. კრიპტოვალუტებმა და ბლოკჩეინმა ახალი სამყარო შექმნეს, რამაც ფინანსური ტექნოლოგიების სფეროში მოღვაწე მეწარმეებს დიდი წარმატების მიღწევის შესაძლებლობა მისცა.
საბოლოოდ, ტრადიციული ფინანსური ინსტიტუტები და მარეგულირებლები ბლოკჩეინის ტექნოლოგიას მიიღებენ.“
ვუს თქმით, როდესაც მან და მისმა თანამოაზრეებმა Bitmain Technologies დააარსეს კრიპტო ინდუსტრიის მომავლის სჯეროდათ.
„ჩვენ გვჯეროდა, რომ კრიპტოვალუტები და ბლოკჩეინი მომავალში ათობით ტრილიონ დოლარამდე გაიზრდებოდა.
ახალი მომხმარებლებიდან ბევრი კრიპტოვალუტის ბაზარზე სამუდამოდ დარჩება, ამიტომ კრიპტოაქტივებში დაგროვილი ფულის სამართავად მათ მოწინავე და დახვეწილი პროდუქტები დასჭირდებათ.“
ვუს აზრით, წელს კრიპტოვალუტები სწრაფად მათი პოპულარობის გამო იზრდება. სულ უფრო მეტია იმ კომპანიების ჩამონათვალი, რომლებიც გადახდებს კრიპტოვალუტაში აწარმოებენ. სალვადორი კი პირველი სახელმწიფო გახდა, სადაც ბიტკოინი კანონიერ გადახდის საშუალებად აღიარეს.
საკუთარ კომპანიაზე ვუ ჰყვება, რომ მან ურთულესი პერიოდის დაძლევა გაკოტრების გარეშე შეძლო და ახლა Bitmain-ის 2022 წლის წმინდა შემოსავალი, სავარაუდოდ, 2-დან 4 მილიარდ დოლარამდე იქნება.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)