კრიპტოვალუტის ფინანსურ სისტემაში ინტეგრაციის შედეგები
შეერთებული შტატების პრეზიდენტმა, ჯო ბაიდენმა კრიპტოვალუტის ფინანსურ სისტემაში ინტეგრაციის შედეგების შესწავლის განკარგულება გასცა.
შეერთებული შტატების პრეზიდენტმა ფედერალურ სააგენტოებს კრიპტოვალუტების რეგულირების წესების შემუშავებისთვის კოორდინირების გაწევა დაავალა.
9 მარტს ჯო ბაიდენმა კრიპტო ინდუსტრიის განვითარების სტრატეგიის შესახებ განკარგულება გამოსცა.
განკარგულების თანახმად, კრიპტო ინდუსტრიის რეგულირებისას მთელი ძალისხმევა მომხმარებელთა უფლებების დაცვაზე უნდა იყოს ფოკუსირებული.
„განკარგულება ცხადყოფს, რომ ციფრული აქტივების რისკებისა და პოტენციური სარგებლის შეფასება უნდა მოხდეს იმის გათვალისწინებით, შეუძლია თუ არა ფინანსურ სისტემას დააკმაყოფილოს მომხმარებელთა მიმდინარე მოთხოვნილებები ისე, რომ იყოს სამართლიანი, ეფექტური და ინკლუზიური“, განმარტავს თეთრ სახლთან დაახლოებული წყარო.
ახლა მომხმარებლები მოძველბულ საგადახდო ინფრასტრუქტურას აწყდებიან. რომელიც შესაძლოა ძალიან ნელი იყოს ან საერთოდ არ მუშაობდეს. წყაროს მიხედვით, ეს განსაკუთრებით საერთაშორისო ტრანზაქციებს ეხება.
ბაიდენმა მარეგულირებლებსა და კანონმდებლებს ცენტრალური ბანკის მიერ ციფრული ვალუტის გამოშვების სტრატეგიის ჩამოაყალიბება დაავალა.
გარდა ამისა, Fed-ს და სხვა უწყებებს სახელმწიფო კრიპტოვალუტასთან დაკავშირებული რისკების შესწავლა ეროვნული უსაფრთხოების, ადამიანის უფლებებისა და ფინანსური ხელმისაწვდომობის კუთხით მოუწევთ.
აშშ-ს პრეზიდენტის ადმინისტრაცია ციფრული აქტივების რეგულირებისთვის განკარგულების გაცემას თებერვალში აპირებდა.
ინფორმაცია იმის შესახებ, რომ პრეზიდენტ ბაიდენის ადმინისტრაცია კრიპტოვალუტის ინდუსტრიას აშშ-ს ეროვნული უსაფრთხოების საკითხებზე მემორანდუმში მოიხსენიებდა და ფედერალურ უწყებებს რეგულაციების შემუშავებას დაავალებდა, იანვარში გავრცელდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)