კრიპტოსაფულე Chivo თანხების წარმოშობის დადასტურებას ითხოვს
კრიპტო საფულემ Chivo, რომელსაც ელ სალვადორის მთავრობა მართავს, მომხმარებლების ანგარიშების გაყინვა და თანხის წარმომავლობის დადასტურების მოთხოვნა დაიწყო.
განსაკუთრებული აქტიურობით იმ მომხმარებელთა დაბლოკვა დაიწყეს, რომლებიც თანხებს Wasabi Wallet-იდან იღებენ.
ეს საფულე ქსელში ტრანზაქციების მონიტორინგის დასამალად Coinjoin ტექნოლოგიას იყენებს. პროექტის დამფუძნებლის, მეტსახელად Bitcoin Beach-ის განმარტებით, სალვადორის მთავრობა მომხმარებელთა კონფიდენციალურობაში იმიტომ ერევა, რომ აშშ-ს ზეწოლას ვეღარ უძლებს და დათმობებზე იწყებს წასვლას.
„ასეთი პრობლემები ხალხს უკან, ტრადიციული საბანკო სისტემისკენ უბიძგებს. მათი საბანკო ტრანზაქციები უფრო ნაკლებ კონტროლს ექვემდებარება, ვიდრე ბიტკოინის ტრანზაქციები.“ – ამბობს Bitcoin Beach.
ბიტკოინი სალვადორში კანონიერი გადახდის საშუალებას წარმოადგენს. მთავრობა მოქალაქეებს ისეთ სერვისებს სთავაზობს, როგორიცაა კრიპტომატები და ბიტკოინ-საფულე Chivo.
კრიპტოვალუტის ბაზრის დაცემის შემდეგ, სალვადორის სახელმწიფო კრიპტო საფულის მომხმარებლების გარკვეულმა ნაწილმა საკუთარი თანხების გამოტანა ვერ შეძლო.
2021 წლის დეკემბერში ქვეყნის მაცხოვრებლები Chivo-ს საფულეებში შენახული თანხების გაქრობის შესახებ ჩიოდნენ. 2022 წლის აპრილში კი გავრცელდა ინფორმაცია, რომ სალვადორში საქონლისა და მომსახურებისთვის ბიტკოინით გადახდების მიღება კომერციული კომპანიების მხოლოდ 20%-მა დაიწყო.
მიმდინარე წლის მარტის ბოლოს პრეზიდენტმა ნაიბ ბუკელემ (Nayib Bukele) სალვადორს „თავისუფალი ხალხის ახალი მიწა“ უწოდა, უცხოელებს ჩამოსვლისკენ მოუწოდა და უსაფრთხოებას დაჰპირდა.
პრეზიდენტმა თავის ტვიტერზე ვინტაჟური სტილის პოსტერი გამოაქვეყნა, სადაც ის უპირატესობები იყო ჩამოთვლილი, რომელსაც ელ სალვადორი თავის მოქალაქეებს სთავაზობს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)