კრიპტო ბირჟამ Binance ბიტკოინების გატანა შეაჩერა
სავაჭრო პლატფორმა Binance-ის დამფუძნებელმა, ძირითადი კრიპტოვალუტების კურსების დაცემის ფონზე განაცხადა, რომ ბირჟის მომხმარებლები ბიტკოინის ბლოკჩეინიდან BTC-ის გამოტანას ვერ შეძლებდნენ.
ამის შესახებ ჩენპენ ჯაომ (Changpeng Zhao) თავის Twitter-ზე დაწერა და იმედი გამოთქვა, რომ პირველი კრიპტოვალუტის გატანის ფუნქცია უმოკლეს დროში აღდგებოდა.
„Binance-ზე შეფერხების გამომწვევი გაჭიანურებული ტრანზაქციის გამო BTC-ის აშშ დოლარში გატანის დროებითი შეჩერება მოხდა.
პრობლემა 30 წუთში უნდა მოგვარდეს . ინფორმაცია პრობლემის მოგვარებისთანავე განახლდება. თანხები SAFU-შია“ – განმარტა ბირჟის ხელმძღვანელმა.
SAFU მომხმარებლებისთვის განკუთვნილი აქტივების უსაფრთხოდ შენახვის სადაზღვევო ფონდია, რომელიც Binance-მა ოთხი წლის წინ შექმნა.
პირველი პოსტიდან რამდენიმე წუთში, Binance-ის აღმასრულებელმა დირექტორმა დაწერა, რომ საკითხის გადაჭრას მეტი დრო დასჭირდებოდა. მისი თქმით, პრობლემა მხოლოდ ბიტკოინის ბლოკჩეინს შეეხო, BTC-ების გატანა კი სხვა ქსელებიდანაც იყო შესაძლებელი.
„ბიტკოინების გამოტანა BEP-20-ის მსგავს სხვა ქსელებში კვლავაც შეგიძლიათ. ბიტკოინის ბლოკჩეინიდან აქტივების გატანის აღდგენის შესახებ ინფორმაციას უახლოეს მომავალში განვაახლებთ. მადლობას გიხდით მოთმინებისა და გაგებისთვის.”
აქტივების SAFU-ში გადატანის შესახებ განცხადება პლატფორმა Celsius-დან აქტივების გატანის შეჩერების და ბიტკოინის დაცემის ფონზე გაკეთდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)