კრიპტო ბირჟებზე ვაჭრობის მოცულობამ ტრილიონს გადააჭარბა

კრიპტო ბირჟებზე ვაჭრობის მოცულობამ 2022 წლის შემდეგ ტრილიონს პირველად გადააჭარბა

2022 და 2023 წლებში კრიპტოვალუტის ბაზრის დაცემამ ვაჭრობის მოცულობა მნიშვნელოვნად შეამცირა, მაგრამ დეკემბერში ამ მაჩვენებელმა 15 თვის განმავლობაში პირველად 1 ტრილიონ დოლარს გადააჭარბა.

დეკემბერში კრიპტოვალუტის პლატფორმებზე საერთო ჯამში 1,1 ტრილიონი დოლარის ტრანზაქციები განხორციელდა.

მანამდე ინდუსტრიამ ტრილიონ დოლარს მხოლოდ 2022 წლის სექტემბერში მიაღწია, მაშინ ტრეიდერების მიერ განხორციელებული ტრანზაქციების რაოდენობამ ჯამში 1,03 ტრილიონი დოლარი შეადგინა.

ამავდროულად, ვაჭრობის მოცულობა ყველაზე მაღალი იყო 2022 წლის მაისის შემდეგ, როდესაც მაჩვენებელმა 1.35 ტრილიონი შეადგინა.

432,7 მილიარდი დოლარის სპოტ ვაჭრობის მოცულობით კრიპტოვალუტის წამყვან ბირჟად კვლავაც Binance რჩება.

მისი ვაჭრობის მოცულობა მთლიანი ბაზრის სავაჭრო მოცულობის 39,3%-ს შეადგენს.

91,8 მილიარდი დოლარით, 8,3%-ით მეორე ადგილზეა ბირჟა Upbit , 8%–იანი წილით ($87,5 მილიარდი) ლიდერების სამეულს სავაჭრო პლატფორმა  OKX უერთდება.

გასათვალისწინებელია, რომ 2021 წელს კრიპტოვალუტის ბაზრის მთლიანმა ვაჭრობის მოცულობამ 4 ტრილიონი დოლარი შეადგინა.

The Block Research-ის დირექტორის სტივენ ჟენგის (Steven Zheng) განცხადებით, ვაჭრობის მოცულობის მნიშვნელოვანი ზრდა კრიპტოვალუტის ბაზრის ზრდას, ასევე 2024 წლის იანვრის დასაწყისში Bitcoin-ზე ETF-ების დამტკიცების მოლოდინს უკავშირდება..

„შვებულების სეზონის გათვალისწინებით, კრიპტოვალუტით ვაჭრობის მოცულობის თვალსაზრისით, დეკემბერი ისტორიულად არც თუ ისე წარმატებული თვეა. და ის ფაქტი, რომ მაჩვენებელმა 1 ტრილიონ დოლარს გადააჭარბა, ნამდვილად აჩვენებს ინდუსტრიის ოპტიმიზმს ბიტკოინის სპოტ ETF-ების მოახლოებული დამტკიცებისა და მომავალი ხარის ბაზრის მიმართ.“ – თქვა ჟენგმა.