კრიპტო ბირჟები ვაჭრობის მოცულობის მონაცემებს აყალბებენ
ამერიკელი ინვესტორის, კლუბ Dallas Mavericks-ის მფლობელი მილიარდერის აზრით, კრიპტოვალუტის ინდუსტრიაში ხმაურიანი სკანდალები 2023 წელსაც გაგრძელდება.
The Street-თან ინტერვიუში მარკ კუბანმა (Mark Cuban) განაცხადა, რომ კრიპტოვალუტის ცენტრალიზებული ბირჟების უმეტესობა საკუთარ პლატფორმებზე სავაჭრო მოცულობის ხელოვნურად გაზრდას აგრძელებს. კუბანის თქმით, სწორედ ეს ფაქტი შეიძლება გახდეს მიზეზი სკანდალისა, რომელიც მარეგულირებელთა ყურადღებას მიიპყრობს და ინდუსტრიისთვის კიდევ ერთი დიდი დარტყმა გახდება.
„ათობით მილიონი დოლარის გარიგებები დგება ისეთი ტოკენებით, რომლებიც თითქმის არასდროს გამოიყენება. საიდან აქვთ ასეთი პოპულარობა? მე ასეთი ლიკვიდობის მიზეზს ვერ ვხვდები.“- ხაზგასმით აღნიშნა მილიარდერმა.
თუმცა კუბანმა აქვე დასძინა, რომ კონკრეტული ფაქტები არ აქვს და ბირჟების მხრიდან ვაჭრობის მოცულობის მონაცემთა გაზვიადება მხოლოდ მისი ვარაუდია.
ვაჭრობის მოცულობის მაჩვენებლების გაყალბება აშშ-ში კანონით ისჯება.
მსგავსი მანიპულიაცია სავაჭრო პლატფორმისა თუ კონკრეტული აქტივის პოპულარობის გაზრდის საშუალებას იძლევა და ხშირად Pump & Dump სქემისთვის გამოიყენება.
გამოცემა Bankless Times-ის მიერ შემოდგომაზე ჩატარებულმა კვლევამ აჩვენა, რომ კრიპტოვალუტის ბირჟებს შეუძლიათ ვაჭრობის მოცულობის მინიმუმ ნახევარი გააყალბონ. ეკონომიკური კვლევების ეროვნული ბიუროს თანახმად კი, არარეგულირებად ბირჟებზე მონაცემთა 70%-ზე მეტი ფიქტიურია.
თუმცა, ასეთი გაყალბებების მიუხედავად, წლის ბოლოსთვის ვაჭრობის მოცულობის დღიური მაჩვენებელი 10 მილიარდ დოლარზე ქვემოთ დაეცა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)