კრიპტო თაღლითები უპირატესობას სტეიბლკოინებს ანიჭებენ

კრიპტო თაღლითები უპირატესობას სტეიბლკოინებს ანიჭებენ

2020 წელს უკანონო ტრანზაქციების 70% ბიტკოინზე მოდიოდა, ხოლო 15% – სტაბილურ კრიპტოვალუტებზე. 2025 წლისთვის მდგომარეობა რადიკალურად შეიცვალა – გასულ წელს უკანონო ტრანზაქციების 84% სტეიბლკოინებზე მოდის, ხოლო ბიტკოინის წილი 7%-მდე შემცირდა. კიბერუსაფრთხოების კომპანია Chainalysis-ის ექსპერტების თქმით, ეს სტეიბლკოინების გადარიცხვების სიმარტივით არის განპირობებული.

ანალიტიკოსების აზრით, 2025 წელს დამნაშავეების მისამართებზე 154 მილიარდ დოლარზე მეტი გადაირიცხა, რაც 2024 წელთან შედარებით 162%-იანი ზრდას წარმოადგენს. ასეთი მკვეთრი ზრდა სანქციებით განპირობებული, მათ შორის სახელმწიფო დონეზე აქტივობის გაზრდით არის დაკავშირებული. კრიმინალური ორგანიზაციები სტეიბლკოინებს საქმიანობისთვის სულ უფრო ხშირად იყენებენ.

„ეს ასახავს უფრო ფართო ტენდენციებს ეკოსისტემაში, სადაც სტეიბლკოინები კრიპტო აქტივობის მნიშვნელოვან და მზარდ წილს მათი პრაქტიკული უპირატესობების გამო შეადგენენ : მარტივი ტრანსსასაზღვრო გადარიცხვები, დაბალი ვოლატილობა და გამოყენების უფრო ფართო შესაძლებლობები.“ – აღნიშნეს ექსპერტებმა.

2025 წელს უკანონო მიმოქცევის მნიშვნელოვანი წილი, სავარაუდოდ, გარკვეული ქვეყნების მიერ კონტროლირებად ორგანიზაციებს ეკუთვნოდათ. კერძოდ, 93.3 მილიარდი დოლარის ტრანზაქციები რუსეთზე მოდის და საერთაშორისო სანქციების გვერდის ავლას უკავშირდება.

Chainalysis-ის ექსპერტები კრიპტოვალუტების მეშვეობით უკანონოდ მოპოვებული შემოსავლების გათეთრებაში ჩინური სტრუქტურების მზარდ როლს აღნიშნავენ. მათი საქმიანობა ფართო სპექტრისაა და თაღლითობით დაწყებული ჩრდილოეთ კორეელი ჰაკერებისთვის ფულის გათეთრებასა და ტერორისტული დაჯგუფებების დაფინანსებას მოიცავს.

ექსპერტების თქმით, გახშირდა ფიზიკური იძულების შემთხვევებიც, როდესაც მსხვერპლს ძალადობის მუქარით აქტივების დათმობას აიძულებენ. ანალიტიკოსების დასკვნით, ასეთი სახის გამოძალვა ხშირად პოპულარული კრიპტოვალუტების საბაზრო ფასების პიკს ემთხვევა.

ცოტა ხნით ადრე კვლევა კომპანია PeckShield-ის ექსპერტებმაც ჩაატარეს. მათი მონაცემებით, 2025 წლის დეკემბერში ჰაკერული თავდასხმების შედეგად მიყენებულმა კრიპტოვალუტის ზარალმა 76 მილიონი დოლარი შეადგინა, რაც ნოემბრის 194.2 მილიონი დოლარის მაჩვენებელთან შედარებით 60%-ით ნაკლებია.

წყარო: https://www.chainalysis.com/blog/2026-crypto-crime-report-introduction/