კრიპტოინვესტორების ზარალზე პასუხი მთავრობებმა უნდა აგონ

კრიპტოინვესტორების ზარალზე პასუხი მთავრობებმა უნდა აგონ

საინვესტიციო ბანკ JPMorgan-ის აღმასრულებელმა დირექტორმა ბიტკოინი კვლავ გააკრიტიკა და განაცხადა, რომ კრიპტო ბირჟა FTX-ის ჩამოშლამ მთავრობებს უნდა უბიძგოს კრიპტოვალუტების რეგულირება დროულად მოახდინონ.

ჯეიმი დაიმონმა  (Jamie Dimon)  ბიტკოინის მიმართ ნეგატიური დამოკდებულების კიდევ ერთხელ გამოხატვის შესაძლებლობა ხელიდან  არ გაუშვა და ინტერვიუში კრიპტოვალებს დეცენტრალიზებული პონცის სქემა უწოდა, რომელიც სულ უფრო პოპულარული ხდება და დიდი მოთხოვნით სარგებლობს.

JPMorgan-ის ხელმძღვანელის თქმით, სულ მალე მოპარული კრიპტო აქტივების შესახებ ასობით წიგნი დაიწერება.

„კრიპტოვალუტებმა ადამიანები ისტერიამდე მიიყვანა. მათ გამო ბევრი დაზარალდა : პენსიონერები, დაბალი შემოსავლის მქონე ადამიანები…  ეს სირცხვილია. ინვესტორების დაცვაზე პასუხისმგებლობა მთავრობებს ეკისრებათ.“ – განაცხადა დაიმონმა.

მან მაგალითად Chainalysis-ის ანალიტიკოსების მონაცემები მოიყვანა,

რომელთა მიხედვითაც FTX-ის მოვლენებთან დაკავშირებული ყოველკვირეული ზარალი 9 მილიარდ დოლარს აღწევდა.

დაიმონს მიაჩნია,  რომ მარეგულირებლებს ინვესტორების უფლებების დასაცავად კანონმდებლობაში კორექტივები ახალი ტიპის აქტივების გამოჩენისთანავე უნდა შეეტანათ.

ის დარწმუნებულია, რომ დროა იმ მთავრობებმა, რომლებიც ამ საკითხზე არ დაფიქრებულან, ამ ამოცანის შესრულებას შეუდგნენ.

ჯეიმი დაიმონი  ბიტკოინის მიმართ სკეპტიკური დამოკიდებულებით არის ცნობილი, რადგან მიაჩნია, რომ BTC უსარგებლო აქტივია.

თუმცა, ადრე აღნიშნა, რომ კრიპტოვალუტის მიმართ მისი  დამოკიდებულების მიუხედავად, ის არ აპირებს საკუთარი აზრი JPMorgan-ის იმ კლიენტებს მოახვიოს, რომლებიც კრიპტოვალუტის პროდუქტებში ინვესტიციებით არიან დაინტერესებული.