კრიპტო-ინვესტორები ფულის დაკარგვის რისკებზე გააფრთხილეს

 კრიპტო-ინვესტორები ფულის დაკარგვის რისკებზე გააფრთხილეს

ევროპულმა მარეგულირებელმა  კრიპტო-ინვესტორები ფულის დაკარგვის რისკის შესახებ გააფრთხილა.

ევროპის საზედამხედველო ორგანომ (ESA)  ინვესტორებს შეახსენა, რომ კრიპტო-თაღლითებისთვის პასუხისმგებლობის დაკისრების სამართლებრივი საფუძველი არ არსებობს.

ESA-მ  კრიპტო-ინვესტორები გააფრთხილა, რომ „თუ ისინი ციფრულ აქტივებს იყიდიან,

შესაძლოა მთელი დაბანდებული ფულის დაკარგვის რეალური შესაძლებლობის წინაშე აღმოჩნდნენ.“

მარეგულირებელი ყურადღებას ამახვილებს იმაზე, რომ ინვესტორებმა უნდა იცოდნენ თაღლითების შესახებ,

რომლებსაც მომხმარებელი შეცდომაში  სოციალურ ქსელებში განთავსებული რეკლამის მეშვეობით შეჰყავს, რომ ინვესტორები „ ფრთხილად  შეთავაზებული სწრაფი და/ან მაღალი შემოსავლის დაპირებების მიმართ უნდა იყვნენ.

განსაკუთრებით იმ დაპირებების მიმართ, რომლებიც ძალიან კარგად გამოიყურება იმისთვის, რომ სიმართლე იყოს.“ ESA ხაზს უსვამს იმ ფაქტს, რომ კანონმდებლობა,

რომელიც ევროკავშირში კრიპტოვალუტის ბაზარს დაარეგულირებს, ჯერ მიღებული არ არის.

„ESA აფრთხილებს მომხმარებლებს, რომ მათ  კრიპტოვალუტის ბაზარზე მათთვის ხელმისაწვდომი სამართლებრივი საშუალებების არარსებობის შესახებ უნდა იცოდნენ.“ 

საზედამხედველო ორგანოს განმარტებით,  კრიპტოაქტივების ბაზრის შესახებ კანონპროექტი (MiCA)  საპარლამენტო კომიტეტში კენჭისყრაზე იქნა მიღებული და ახლა  ევროკავშირის მთავრობების მიერ განიხილება, რის შემდეგაც შესაძლებელი იქნება მისი რატიფიცირება.

ESA არის სტრუქტურა, რომელიც მოიცავს ევროპის საბანკო ორგანოს (EBA), ევროპის ფასიანი ქაღალდების და ბაზრების ორგანოს (ESMA) და ევროპის დაზღვევისა და პროფესიულ საპენსიო ორგანოს (EIOPA).

MiCA-ს განხილვა ევროკავშირში ძალიან ნელა მიმდინარეობს. ცოტა ხნის წინ, კანონმდებლებმა MiCA-დან ამოიღეს დებულება, რომელიც ბიტკოინებსა და PoW ალგორითმის საფუძვლის მქონე სხვა კრიპტო აქტივებს კრძალავდა. 

კანონის მოლოდინში ზოგიერთმა ევროპულმა ქვეყანამ კრიპტოვალუტების რეგულირების საკუთარი წესების დანერგვა დაიწყო.