კრიპტო ინვესტორები NBA-ს ზარალის მიყენებისთვის უჩივიან
კრიპტოვალუტის ინვესტორებმა აშშ-ს ეროვნული საკალათბურთო ასოციაციის (NBA) წინააღმდეგ გაკოტრებულ კრიპტო კრედიტორ Voyager Digital-თან სარეკლამო პარტნიორობის გამო მაიამის საოლქო სასამართლოში ჯგუფური სარჩელი შეიტანეს.
მოსარჩლეთა მტკიცებით, მილიარდერ მარკ კუბანის (Marc Cuban) მფლობელობაში არსებულ Dallas Mavericks-თან NBA- მხრიდან Voyager Digital-ის სარეკლამო ხელშეკრულების გაფორმება „უხეშ დაუდევრობას“ წარმოადგენდა.
ინვესტორების აზრით, NBA შუამავლი გახდა ინვესტორებსა და Voyager Digital-ს შორის, რომელიც არარეგისტრირებული ფასიანი ქაღალდების პოპულარიზაციას ეწეოდა. ამიტომ, მათ მიაჩნიათ, რომ ასოციაციამ 4,2 მილიარდ დოლარზე მეტ ზარალზე პასუხისმგებლობა უნდა აიღოს.
სარჩელში ნათქვამია, რომ NBA შეგნებულად დათანხმდა კრიპტოვალუტის ისეთ კომპანიებთან მუშაობის რისკებს, როგორიცაა Voyager, Coinbase და გაკოტრებული ბირჟა FTX.
სარჩელში ასევე ფიგურირებს იურიდიული ფირმა Voyager McCarter & English.
ინვესტორების მტკიცებით, ფირმამ უფლებამოსილება ბოროტად გამოიყენა და გამოსცა ფიქტიური იურიდიული დასკვნა იმის შესახებ, რომ Voyager-ზე არსებული კრიპტოაქტივები დაურეგისტრირებელ ფასიან ქაღალდებს არ წარმოადგენდნენ.
დაზარალებული ინვესტორები დარწმუნებულები არიან, რომ ამგვარად, კომპანია ცდილობდა პოტენციურ ინვესტორებსა და პარტნიორებს Voyager-ის შეთავაზების კანონიერებაში ეჭვი არ შეეტანათ.
კრიპტო კრედიტორმა Voyager Digital 2022 წლის ივლისის დასაწყისში თანხების გატანა შეაჩერა.
ამავე პერიოდში გაკოტრების შესახებ განცხადება კრიპტო ჰეჯ-ფონდმა Three Arrows Capital-მა (TAC) შეიტანა.
2022 წლის ბოლოს, FTX-ის გაკოტრების შემდეგ, არაერთი კოლექტიური სარჩელი იმ ცნობილი ადამიანებისა და სპორტის ვარსკვლავების წინააღმდეგ აღიძრა, რომლებიც FTX-თან თანამშრომლობდნენ.
უფრო ადრე, 2021 წლის ბოლოს, ინვესტორებმა Voyager Digital ტრანზაქციის საკომისიოს გადამეტებასა და ინვესტორებისგან ინფორმაციის დამალვაში დაადანაშაულეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)