კრიპტო კომპანიებს კრიზისი მომავალშიც ემუქრებათ

კრიპტო კომპანიებს კრიზისი მომავალშიც ემუქრებათ

კრიპტო ბირჟა Silvergate-ის აღმასრულებელი დირექტორის თქმით, კრიპტო ინდუსტრიის კრიზისი არ დასრულებულა და უახლოეს პერიოდში შესაძლოა უფრო გამწვავდეს.

ალან ლეინის (Alan Lane) განმარტებით, რიგ ბირჟებსა და კრიპტო ფონდებს მომდევნო რამდენიმე კვარტალის განმავლობაში პრობლემები შეექმნებათ:

„რაღაც მომენტში ყველაფერი დასრულდება და ჩვენ უბრალოდ დაველოდებით, თუ რა იქნება კრიპტოვალუტების ღირებულების ზრდისთვის ან დაცემისთვის შემდეგი კატალიზატორი.“

Silvergate-ის ხელმძღვანელი მიიჩნევს, რომ ინვესტორებმა კრიპტოვალუტის ფასების მიმდინარე ვარდნა გასული წლისას არ უნდა შეადარონ. რადგან, ციფრული აქტივები მაკროეკონომიკური ტენდენციების, მათ შორის მზარდი განაკვეთებისა და ინფლაციური ზეწოლის გამო დაეცა. დღეს კი უფრო ფართო, გლობალური ეკონომიკური გადატვირთვაა გასათვალისწინებელი.

რამდენიმე ისეთი კრიპტო კომპანიის კრახის მიუხედავად, რომლებიც ნასესხები სახსრების ჭარბი გამოყენებით გამოირჩეოდნენ, ლეინი თავის კრედიტირების პროგრამაში გირაოდ ბიტკოინის გამოყენების შესაძლებლობაში კვლავაც დარწმუნებულია და გარიგებების მოცულობის ზრდის პირობას დებს.

ბანკ Canaccord Genuity-ის საფონდო ბაზრის ანალიტიკოსის ჯო ვაფის (Joe Vafi) კლიენტებისთვის წარდგენილი ანგარიშის მიხედვით,

Silvergate-ის დადებითი შედეგების მთავარ მამოძრავებელს რისკების მართვა წარმოადგენს. უკვე 2018 წელს Silvergate Bank-ის კლიენტი თითქმის 500 კრიპტო კომპანია გახდა.