კრიპტო ტრანზაქციებში ჩინეთის წილი 80%-ით შემცირდა

კრიპტო ტრანზაქციებში ჩინეთის წილი 80%-ით შემცირდა

ჩინეთის სახალხო ბანკმა (PBC) ბიტკოინის ტრანზაქციების რაოდენობის შემცირების შესახებ ანგარიში წარმოადგინა და კრიპტოვალუტებით ვაჭრობის თავიდან აცილების მექანიზმების წარმატებული ფუნქციონირების შესახებ გამოაცხადა.

PBC პირველი კრიპტოვალუტის წინააღმდეგ ბრძოლის შედეგების შესახებ იტყობინება. ცენტრალური ბანკის ფინანსური სტაბილურობის ბიუროში აცხადებენ, რომ გლობალურ ბაზარზე ქვეყნის ტერიტორიიდან ბიტკოინით განხორციელებული ტრანზაქციების რაოდენობა 90%-დან 10%-მდე დაეცა.

განცხადების თანახმად, ქვეყანაში ყველა peer-to-peer გაცვლა გაუქმდა, რამაც საბოლოოდ ციფრული ვალუტის ტრანზაქციების პოპულარობაზე იმოქმედა.

ჩინეთი კრიპტოვალუტებსა და კრიპტო ბაზრებზე  შეზღუდვებს 2013 წლიდან აწესებს . თუმცა, ჩინელი ტრეიდერების უმეტესობამ მათი თავიდან აცილების გზები იპოვა.

მაგალითად, 2017 წელს ჩინეთის მთავრობამ აკრძალა ადგილობრივი ბირჟების მუშაობა, რამაც აიძულა ისინი ბაზარი დაეტოვებინათ. მაგრამ, ტრეიდერებმა  კრიპტო ბირჟების გამოყენება VPN სერვისების საშუალებით დაიწყეს.

2021 წელს ჩინეთის მთავრობამ „მაინინგზე ზეწოლის“ რამდენიმე ოპერაცია განახორციელა.

გასული წლის შემოდგომაზე კი კრიპტოვალუტები ფაქტობრივად უკანონოდ სცნეს. 

„ შემდეგ ეტაპზე ფინანსური სექტორი ჩინეთის კომუნისტური პარტიის ცენტრალური კომიტეტის მიზნებსა და შეთანხმებებს მტკიცედ განახორციელებს.

ჩვენ საერთო სიტუაციის სტაბილიზაციის პრინციპს გავყვებით. შევადგენთ საერთო გეგმებსა და კომბინაციებს.

პოლიტიკის განხორციელებას კატეგორიების მიხედვით შევუდგებით და ყველა უკანონო საწარმოს გაუნებელყოფას მოვახდენთ.“- ნათქვამია ჩინეთის სახალხო ბანკის ანგარიშში.

გასული წლის ნოემბერში ჩინეთის სახალხო ბანკმა კრიპტო ტრანზაქციების გასაკონტროლებლად ხელოვნური ინტელექტის გამოყენების განზრახვა გამოაცხადა.