მაიამის მერი ხელფასებისა და გადასახადების ბიტკოინებით გადახდის შემოღების ინიციატივით გამოვიდა. მას არაერთხელ გამოუთქვამს აზრი კრიპტოვალუტების სასარგებლოდ. ამჯერად მერმა კრიპტოვალუტით ანგარიშსწორების შესაძლებლობის – ხელფასების გაცემისა და გადასახადების გადახდის საკითხი წამოწია.
ფრენსის სუარესი (Francis Suarez) აპირებს მაიამი ახალ „სილიკონის ველად“ აქციოს. ამისთვის მან სპეციალური კამპანიაც წამოიწყო, სახელწოდებით „როგორ შემიძლია დახმარება“ (“How can I help”) – ნებისმიერ ადამიანს შეუძლია საიტის მეშვეობით შეიძინოს კამპანიის მაისური ან უბრალოდ თანხა ჩარიცხოს. შემოსული თანხა მაიამიში ტექნიკური კომპანიების და სხვადასხვა დარგის, მათ შორის კრიპტოვალუტების სფეროს განვითარებას მოხმარდება.
მერმა მაიამის „კრიპტოვალუტების დედაქალაქად“ გადაქცევის სურვილზე ადრეც ისაუბრა. გადასახადების კრიპტოვალუტებით გადახდის შესაძლებლობა ამისთვის წინ გადადგმული ნაბიჯი იქნება. ამ ფუნქციის დანერგვა ხანმოკლე დროშია შესაძლებელი, რადგან მსგავსი პრეცედენტები უკვე არსებობს.
კიდევ ერთი წინ გადადგმული ნაბიჯი კი მუნიციპალური თანამშრომლებისთვის ხელფასების ბიტკოინებში გადახდა იქნებოდა. მერის თქმით, იდეა უკვე განიხილეს და კრიპტოვალუტების ამგვარი გამოყენებისთვის ნორმატიული დოკუმენტაცია უნდა მომზადდეს.
სუარესის კიდევ ერთი იდეა მუნიციპალური ფინანსური სახსრების ნაწილის ბიტკოინში დაბანდებაა. კანონი, რომელიც ამას აკრძალავს, აშშ-ში არ არსებობს, თუმცა, არსებობს ამ იდეის საზოგადოების მხრიდან უარყოფის დიდი ალბათობა აქტივის მაღალი ვოლატილობის გამო.
2020 წლის მიწურულს ფრენსის სუარესმა განაცხადა, რომ სწორედ ბიტკოინი გახდა ერთ-ერთი ყველაზე სტაბილური ინვესტიცია არასტაბილურ 2020-ში.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)