მაინერები ბიზნესს რეკორდული ტემპით აფართოებენ

მაინერები ბიზნესს რეკორდული ტემპით აფართოებენ

მსხვილმა მაინინგ კომპანიებმა განვითარების ტემპი მნიშვნელოვნად გაზარდეს. 

Arcane Research-ის მოხსენებაში ანალიტიკოსები ხაზგასმით აღნიშნავენ, რომ საჯარო მაინინგ კომპანიები „განვითარების შესაძლებლობებს მუდმივად ეძებენ “ და „ჰეშრეიტის გაზრდას უფრო სწრაფად გეგმავენ, ვიდრე ოდესმე.“

ამჟამად, კემბრიჯის უნივერსიტეტის მიერ შემუშავებული ბიტკოინის მაინერების მიერ ენერგიის მოხმარების ინდექსის მიხედვით, ჩრდილოეთ ამერიკელი მაინერების მოხმარებული ენერგია მსოფლიოს მასშტაბით მაინინგისთვის მოხმარებული მთლიანი ენერგიის 44,95%-ს შეადგენს.

დასახული გაფართოების გეგმების გათვალისწინებით ეს წილი მომავალში გაიზრდება.

„საჯარო მაინინგ კომპანიების უმეტესობა HODL სტრატეგიას მიჰყვება, ისინი ყველაფერს აკეთებენ იმისათვის, რომ  მოპოვებული ბიტკოინების მაქსიმალური რაოდენობა დაზოგონ.

ეს მათ საშუალებას აძლევთ წარმოადგენდნენ საინვესტიციო ინსტრუმენტებს იმ ინვესტორებისთვის,

რომლებსაც ბიტკოინში ინვესტიციების განხორციელება ირიბად, სანდო საფონდო პლატფორმების მეშვეობით სურთ.“ – განაცხადა Arcane Research-ის ანალიტიკოსმა ჯარან მელერუდმა (Jaran Mellerud).

როგორც Compass Mining-ის აღმასრულებელმა დირექტორმა უიტ გიბსმა (Whit Gibbs) აღნიშნა, საჯარო მაინინგ კომპანიები გარკვეულ უპირატესობას ფლობენ – მათ ბიზნესის გაფართოებისთვის ბიტკოინების გაყიდვა არ სჭირდებათ.

ახალი მაინინგ მოწყობილობების შესაძენად და ა.შ. ისინი სახსრებს ინვესტორებისგან იღებენ, BTC კი აგრძელებს დაგროვებას.

ამის გამო საჯარო მაინინგ კომპანიების საფულეებზე საკმაოდ დიდი რაოდენობის ბიტკოინები დაგროვდა.

საინტერესოა, რომ კომპანია Riot Blockchain-ის მოხსენების თანახმად, 2022 წელი მაინინგ ინდუსტრიისთვის „კონსოლიდაციის“ წელი იქნება.