მაინერებმა ლობირების ჯგუფი შექმნეს
ვაშინგტონში ახალი ლობისტური ჯგუფი ციფრული ენერგიის საბჭო (DEC) შეიქმნა, რომელიც მარეგულირებელებთან და კანონმდებლებთან კრიპტოვალუტის მაინერების ინტერესების გათვალისწინებისთვის იმუშავებს.
DEC-ის დამფუძნებელი და პრეზიდენტი თომას მეიპსია (Thomas Mapes). მისი განცხადებით, ორგანიზაციის ძირითადი მიზანი პოლიტიკოსებისთვის კრიპტოვალუტის მაინინგის შესახებ მცდარი წარმოდგენების შეცვლაა. DEC სამაინინგო და ენერგეტიკულ კომპანიებს აერთიენებს, რომელთაგან ზოგიერთი უკვე საჯარო გახდა. ამ დროისთვის, ასოციაციის მიერ მაინერების ინტერესების დასაცავად გაწეული ძალისხმევა მხოლოდ აშშ-ზე გავრცელდება.
მანამდე, მეიპსს ციფრული სავაჭრო პალატაში ენერგეტიკის დირექტორის პოზიცია ეკავა. იქამდე კი,ი ს აშშ-ის ენერგეტიკის დეპარტამენტის საგარეო ურთიერთობათა ოფისის უფროსად მუშაობდა. მეიპსის თქმით, უკვე სამინისტროში ყოფნის პერიოდში, მან მაინინგ კომპანიები ენერგეტიკული ეკოსისტემის განუყოფელ ნაწილად განიხილა. რადგან მაინერები იმ ენერგიას იყენებენ, რომელიც სხვაგვარად გაიფლანგებოდა – და ეს კრიპტო ინდუსტრიის ერთ-ერთი უპირატესობაა, განაცხადა მეიპსმა.
„ციფრული აქტივების მაინინგის გადაკვეთა ენერგეტიკასთან ფედერალურ დონეზე ხდება. ჩვენ ამ ინდუსტრიების ლიდერებთან მუშაობას მოუთმენლად ველით.“ – წერს DEC-ის დამფუძნებელი Twitter-ზე.
მან დასძინა, რომ ენერგეტიკული კომპანიები, კომუნალური და ელექტროენერგიის პროვაიდერები კრიპტოვალუტების მაინინგით დაინტერესებული არიან და იკვლევენ, თუ როგორ შეიძლება გახდნენ ამ ინდუსტრიის მონაწილეები. თუმცა, კანონმდებლებს ჯერ კიდევ არ აქვთ გააზრებული მისი სარგებელი, რადგან მაინინგის საწინააღმდეგო კანონპროექტები სულ ახლახან გამოჩნდა.
ტექნოლოგიების პოლიტიკის ოფისის (OSTP) ანგარიშზე დაყრდნობით გაირკვა, რომ მაინერების მიერ ერთი წლის მანძილზე ელექტროენერგიის მოხმარება წელიწადში 50 მილიარდ კვტ/სთ-ს შეადგენს.
ივნისში, პრეზიდენტმა ბაიდენმა პირობა დადო, რომ კომპლექსური ეკონიმიკური სტრატეგია Bidenomics -ის შესაბამისად, კრიპტო ინდუსტრიის მონაწილეებისთვის „ყველა გასაძრომს“ დახურავს. “
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)