მაინინგის მომავალი განახლებადი ენერგიის წყაროებს უკავშირდება

მაინინგის მომავალი განახლებადი ენერგიის წყაროებს უკავშირდება

კანადელი ბიზნესმენი, ბიზნეს რეალითი შოუ Shark Tank-ის მთავარი ვარსკვლავი მიიჩნევს, რომ მაინინგის რეგულირების გლობალური გამკაცრება კომპანიებს მწვანე ენერგიაზე გადასვლას აიძულებს.

კევინ ო’ლირიმ (Kevin O’Leary) First Mover-თან ინტერვიუში განაცხადა, რომ ატომურმა და ჰიდროენერგეტიკამ მომავალში კრიპტოვალუტის მაინინგ ინდუსტრიიაში  შესაძლოა უფრო მნიშვნელოვანი ადგილი  დაიკავოს.

ო’ლირიმ გაიხსენა, რომ გასულ წელს შეერთებულ შტატებში განახლებადი ენერგიის მრავალი ელექტროსადგური გაიხსნა.

ძირითადად ტეხასში, ოკლაჰომაში, ნიუ-იორკის შტატის ჩრდილოეთში და წყნარი ოკეანის ჩრდილო-დასავლეთში.

გამოცდილი ინვესტორის ვარაუდით, PoW ალგორითმმა, რომელიც ბიტკოინის მოსაპოვებლად გამოიყენება, შესაძლოა მწვანე ენერგიის უფრო ფართო გამოყენებას ხელი შეუწყოს.

მისი თქმით, ბიტკოინს „ინვესტიციების მოზიდვა და ეკონომიკის ყველა სექტორისთვის მონაცემთა ცენტრების აშენება შეუძლია“.

ო’ლირი მიიჩნევს, რომ პოლიტიკოსები, მათ შორის სენატორი ელიზაბეტ უორენი (მასაჩუსეტსის წარმომადგენელი), რომლებიც ადრე  მაინინგ ინდუსტრიას აკრიტიკებდნენ,  PoW მაინინგ ინდუსტრიის განვითარებას ხელს არ შეუშლიან.

განსაკუთრებით მას შემდეგ, რაც მაინერები მიხვდებიან, რომ  მარეგულირებელი სისტემის ფარგლებში მუშაობა ძალიან მომგებიანია.

„მაინინგის ძველი მეთოდები, პოლიტიკოსების, მთავრობების, ფასიანი ქაღალდებისა და ბირჟების კომისიის (SEC) იგნორირების ეპოქა დასრულდა“ – განაცხადა ო’ლირიმ.

აშშ-ს ხელისუფლება PoW მაინინგის აკრძალვისკენ სულ უფრო მეტად მიდრეკილი ხდება. ცოტა ხნის წინ, კონგრესმენთა ჯგუფმა  აშშ-ს გარემოს დაცვის სააგენტოს (EPA) კრიპტოვალუტების მოპოვების იმ მეთოდების  აკრძალვის მოთხოვნით მიმართა, რომლებიც  ეკოლოგიურად მავნე კონსენსუსის ალგორითმს იყენებენ.

მარტში, ნიუ-იორკის შტატის გარემოსდამცველებმა ხმა PoW ალგორითმის აკრძალვას მისცეს.

კანონმდებლობის შეცვლას ოკლაჰომაც აპირებს, რათა მაინერებმა 5 მილიონი დოლარის სუბსიდირების ხარჯზე ელექტროენერგიასა და დანადგარებზე ხარჯების შემცირება შეძლონ.