მაინინგში მწვანე ენერგიის წილმა 59,5%-ს მიაღწია

 მაინინგში მწვანე ენერგიის წილმა 59,5%-ს მიაღწია

Bitcoin Mining Council-ის მონაცემებით, განახლებადი ენერგიის წილი, რომელიც  პირველი კრიპტოვალუტის მოპოვებისთვის გამოიყენება, 60%-ს მიუახლოვდა.

2022 წლის მეორე კვარტალის ანგარიშში ნათქვამია, რომ ბიტკოინის მაინინგში მწვანე ენერგიის წილი გასული წლის მეორე კვარტალთან შედარებით 6%-ით და ბოლო კვარტალთან შედარებით 2%-ით არის გაზრდილი. ამჟამად ეს მაჩვენებელი 59,5%-ს შეადგენს.

ამასთან, განახლებადი წყაროებიდან მოპოვებული ელექტროენერგია Bitcoin Mining Council-ის წევრი კომპანიების 66,8%-ს მიეწოდება. საერთო მაჩვენებელი ოდნავ დაბალია, მაგრამ მწვანე ენერგიის გამოყენების მაჩვენებელს ისეთ ქვეყნებში, როგორიცაა გერმანია, შეერთებული შტატები და რუსეთი აღემატება.

Bitcoin Mining Council -ს ანალიტიკოსებმა ხაზგასმით აღნიშნეს, რომ მწვანე ენერგიის მოხმარების ზრდასთან ერთად, ბიტკოინის მაინერებმა  თავიანთი ეფექტურობა მნიშვნელოვნად გაზარდეს,

რაც MicroStrategy-ის აღმასრულებელმა დირექტორმა მაიკლ სეილორმაც (Michael Saylor) აღნიშნა:

„2022 წლის მეორე კვარტალში ბიტკოინის მაინინგის ეფექტურობა გასული წლის ანალოგიურ პერიოდთან შედარებით 46%-ით გაიზარდა. განახლებადი წყაროებიდან მიღებული ენერგიის წილმა 59,5%-ს მიაღწია, ზედიზედ ხუთი კვარტლის განმავლობაში ამ მაჩვენებელმა 50%-ს გადააჭარბა. ქსელი 137%-ით უფრო უსაფრთხო გახდა, ამასთან მხოლოდ 63%-ით მეტ ენერგიას მოიხმარს. ძნელია ისეთი ინდუსტრიის მონახვა, რომელიც უფრო სუფთა და ეფექტურია.“

ანგარიშში ასევე ხაზგასმულია, რომ ბიტკოინის მაინერები ატმოსფეროში ნახშირორჟანგის მთლიანი ემისიების მხოლოდ 0,09%-ს წარმოქმნიან და მთლიანი გლობალური ელექტროენერგიის მხოლოდ 0,15%-ს მოიხმარენ.