აშშ მარეგულირებელმა OpenSea პლატფორმასთან დაკავშირებული გამოძიება შეწყვიტა
აშშ-ის ფასიანი ქაღალდებისა და ბირჟების კომისიამ (SEC) NFT სავაჭრო პლატფორმა OpenSea-სთან დაკავშირებული გამოძიება ოფიციალურად დახურა.
მანამდე, მარეგულირებელი პლატფორმას ფასიანი ქაღალდების შესახებ კანონების დარღვევას ედავებოდა.
გამოძიების დასრულება OpenSea-ს თანადამფუძნებელმა და აღმასრულებელმა დირექტორმა დევინ ფინცერმაც (Devin Finzer) დაადასტურა და მას კოლექციური ტოკენების მფლობელებისა და მთლიანად კრიპტო საზოგადოებისთვის მნიშვნელოვანი გამარჯვება უწოდა.
მან ხაზგასმით აღნიშნა, რომ მარეგულირებლის მიერ NFT-ს ფასიან ქაღალდებად გამოცხადებას შესაძლოა ციფრული ხელოვნებისა და კოლექციონირების სფეროში ინოვაციების განვითარება ჩაეხშო.
SEC-მა OpenSea-სთან დაკავშირებული გამოძიება 2024 წლის აგვისტოში დაიწყო და პლატფორმა გააფრთხილა, რომ არარეგისტრირებული ფასიანი ქაღალდებით ვაჭრობის ფაქტების აღმოჩენის შემთხვევაში მისთვის ჩივილი შეეძლო.
ფინცერმა SEC-ის ბრალდებები უარყო და სასამართლოში ციფრული არტისტების ინტერესების დაცვის მზადყოფნა გამოთქვა.
გამოძიების დასრულებას ინდუსტრიის ლიდერები დადებითად გამოეხმაურნენ.
კონკურენტი პლატფორმა Magic Eden-ის ხელმძღვანელმა კრის ახავანმა (Chris Akhavan), OpenSea-ს მხარდაჭერა გამოუცხადა და თქვა, რომ SEC-ის მხრიდან ზეწოლის შემსუბუქება NFT-ების გრძელვადიანი პოტენციალის გახსნას შეუწყობს ხელს.
პლატფორმას ასევე მიულოცა ამერიკული კრიპტო ბირჟა Coinbase-ის აღმასრულებელმა დირექტორმა ბრაიან არმსტრონგმა (Brian Armstrong).
Coinbase-მა ცოტა ხნის წინ გამოაცხადა, რომ SEC-მა ბირჟის წინააღმდეგ სარჩელი გამოიტანა.
ცოტა ხნის წინ, SEC-ის კომისარმა ჰესტერ პირსმა, (Hester Peirce) რომელიც კრიპტოვალუტის ახალ სამუშაო ჯგუფს ხელმძღვანელობს თქვა, რომ ნაკლებად სავარაუდოა, მემკოინები ფასიანი ქაღალდების სახით დარეგულირდეს.
სხვა კომისარებისგან განსხვავებით, პირსი არ იზიარებდა აზრს, რომ საკოლექციო ტოკენები აქციებისა და ობლიგაციების მსგავსად უნდა დარეგულირდეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)