მასკი აშშ-ს ფინანსებზე კონტროლის მოპოვებას ცდილობს

მასკი აშშ-ს ფინანსებზე კონტროლის მოპოვებას ცდილობს

სენატორი ელიზაბეტ უორენი კონგრესში სტეიბლკოინებთან დაკავშირებული ახალი საკანონმდებლო ინიციატივების კრიტიკისთვის წარსდგა. მისი მტკიცებით, კანონპროექტები GENIUS და STABLE ილონ მასკს ამერიკის მონეტარული სისტემის კონტროლისთვის უხსნის გზას.

მაშინ, როცა კანონპროექტების მხარდამჭერები მათ ინოვაციებისკენ და აშშ დოლარის დომინირების განმტკიცებისკენ გადადგმულ ნაბიჯებად აღიქვამენ, სენატორ ელიზაბეტ უორენს (Elizabeth Warren) ზემოთხსენებული საკანონმდებლო ინიციატივები მომხმარებელთა ფინანსური უსაფრთხოების ბიუროს (CFPB) ზედამხედველობის შესუსტების გზად მიაჩნია. უორენის აზრით, ეს ილონ მასკის (Elon Musk) მსგავს ტექნოლოგიურ მაგნატებს არსებული შეზღუდვების გვერდის ავლის შესაძლებლობას მისცემს.

უორენის განცხადებით, GENIUS და STABLE კანონპროექტების ამჟამინდელი ვერსიები „ილონ მასკს გზას უხსნის საკუთარი სტეიბლკოინი
X Money ყოველგვარი შეზღუდვებისა და მომხმარებელთა, ეროვნული უსაფრთხოებისა და ფინანსური სტაბილურობის დაცვის გარეშე გამოუშვას.“ პოლიტიკოსმა ეს დაუკავშირა მასკის გეგმებს სოციალური პლატფორმა X მთავარ ფინანსურ ცენტრად აქციოს, რამაც შესაძლოა მას აშშ-ს ეკონომიკაზე უპრეცედენტო გავლენის მოხდენის შესაძლებლობა მისცეს.

„სტეიბლკოინების შესახებ კანონები საფრთხეს უქმნის ამერიკელების ფინანსებს, ჩვენს ეკონომიკასა და ჩვენს ეროვნულ უსაფრთხოებას. ეს არ არის რეგულაცია, არამედ ნებართვა მასკის მსგავსი მილიარდერებისთვის, თავიანთი ფული კონტროლის გარეშე დაბეჭდონ.“ – ხაზგასმით აღნიშნა უორენმა.

უორენმა დასძინა, რომ თუ კანონმდებლები კომპრომისის მიღწევას ვერ შეძლებენ, ეს იქნება დიდ კრახი, რომლის შემდეგაც მეორე შანსი აღარ იარსებებს და „ყველას მოუწევს იცხოვროს იმ ქმედებათა შედეგებით, რომლებსაც ჩვენ დღეს აქ ვახორციელებთ.“- თქვა უორენმა.

მანამდე აშშ-ის მთავრობის ეფექტურობის დეპარტამენტის (DOGE) ხელმძღვანელმა ილონ მასკმა განაცხადა, რომ აშშ-ს სახაზინო დეპარტამენტის ტრანზაქციების ბლოკჩეინზე გადატანა საბიუჯეტო სახსრების ბოროტად გამოყენებას აღმოფხვრის.