ინვესტორები მასკს Dogecoin-თ ინსაიდერულ ვაჭრობაში ადანაშაულებენ
ინვესტორებმა მოითხოვეს ცვლილებების შეტანა Tesla-სა და SpaceX-ის აღმასრულებელი დირექტორის, ილონ მასკის წინააღმდეგ ჯგუფურ სარჩელში, რომლის მიხედვითაც მასკს კრიპტოვალუტით DOGE ინსაიდერულ ვაჭრობაში ედება ბრალი.
ინვესტორებმა ილონ მასკის წინააღმდეგ მანჰეტენის ფედერალურ სასამართლოში სარჩელი შეიტანეს. მასკს ბრალად DOGE-ს გაცვლითი კურსით მანიპულირებისთვის საკუთარი ტვიტერის ექაუნთის გამოყენება ედება.
კერძოდ, მოსარჩლეების მტკიცებით, Dogecoin-ის პოპულარიზაციისთვის მასკმა არაერთი ტვიტი გამოაქვეყნა, გამოიყენა ინფლუენსერები და 2021 წელს NBC-ის Saturday Night Live-ზეც გამოჩნდა.
ამ „სარეკლამო ხრიკებმა“ მასკს Dogecoin-ით სარფიანი ვაჭრობის შესაძლებლობა მისცა.
მოსარჩელეებმა დასძინეს, რომ აპრილში ილონ მასკმა სოციალურ ქსელ Twitter-ის მფლობელის სტატუსით, ტვიტერის ლურჯი ფრინველის ლოგო შიბა ინუს ძაღლის გამოსახულებით შეცვალა.
ამან DOGE-ს კურსის 25%-იანი ნახტომი გამოიწვია, რის შედეგადაც მასკმა 124 მილიონი დოლარის მონეტები გაყიდა, ნათქვამია ინვესტორების განცხადებაში.
მათ მიაჩნიათ, რომ მასკმა ეს საკუთარი ინტერესებისთვის, ბაზრით მანიპულირების მიზნით მიზანმიმართულად გააკეთა.
ინვესტორებმა სასამართლოს მასკის წინააღმდეგ 2022 წლის ივნისში შეტანილ სარჩელში ცვლილებების შეტანა სთხოვეს, რაზეც მოსამართლე ელვინ ჰელერშტეინისგან (Alvin Hellerstein) თანხმობა მიიღეს.
ილონ მასკის ადვოკატმა ალექს სპირომ (Alex Spiro) კომენტარის გაკეთებაზე უარი განაცხადა. ამ წლის დასაწყისში მასკის დაცვამ სასამართლოს Dogecoin-ის ინვესტორების მიერ შეტანილი სარჩელის უარყოფისთვის უკვე მიმართა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)