მაჩვენებლები ბიტკოინის მოახლოებულ ზრდაზე მეტყველებს
ანალიტიკური ფირმა Messari-ის დამფუძნებლისა და აღმასრულებელი დირექტორის თქმით, როგორც ფუნდამენტური, ისე ტექნიკური ანალიზი საშუალოვადიან პერსპექტივაში ბიტკოინის ზრდაზე მიუთითებს.
რაიან სელკისმა (Ryan Selkis) ინტერვიუში ხაზგასმით აღნიშნა, რომ ბიტკოინის MVRV (Market Value to Realized Value) კოეფიციენტი მისი აკუმულაციის ფაზის დასაწყისზე მეტყველებს.
ანალიტიკოსის თქმით, დიდი ალბათობით, ფაზა საკმაოდ დიდხანს გაგრძელდება, მაგრამ შემდეგ პირველი კრიპტოვალუტის ფასი ზრდას დაიწყებს.
MVRV ინდიკატორი აქტივის საბაზრო და რეალური კაპიტალიზაციის თანაფარდობას გვიჩვენებს.
შესაბამისად, თუ მაჩვენებელი 1-ზე დაბლა დაეცა, მაშინ აქტივის რეალური ღირებულება საბაზრო ღირებულებაზე მაღალია და მისი შეძენის დროა.
„როცა MVRV 3-ს მიაღწევს ნიშნავს, რომ აქტივის გაყიდვის დროა. როდესაც MVRV 1-მდე ეცემა, აქტივის ყიდვა ღირს. სად ვართ ეხლა? ანალოგიური მაჩვენებლები 2015 წლის იანვარში, 2018 წლის დეკემბერში და 2020 წლის მარტში დაფიქსირდა. ზოგადად, ჩემი რჩევაა თირკმელი გაყიდოთ და სულ ბიტკოინი იყიდოთ.“– განაცხადა სელკისმა.
Messari-ის დამფუძნებელმა შეგვახსენა, რომ ბიტკოინის ხალვინგი საკმაოდ ახლო მომავალშია მოსალოდნელი და რომ მაინერების ჯილდო 18 თვეში შემცირდება. გარდა ამისა, ოქროს რეალურ ალტერნატივად მხოლოდ ბიტკოინი განიხილება.
„თუ ბიტკოინის კაპიტალიზაცია ოქროს კაპიტალიზაციას გაუტოლდა, ეს ბიტკოინის კურსის 25-ჯერ გაზრდის მანიშნებელი იქნება. ზოგადად, გირჩევდით ოქროში ინვესტირებული კაპიტალის 4%-ით ბიტკოინი იყიდოთ. თუ ამჟამინდელ ბაზარს გადავხედავთ, სავსებით შესაძლებელია ბიტკოინის ფასმა 500,000$ შეადგინოს.“
მანამდე რაიან სელკისმა განაცხადა, რომ კრიპტოვალუტის ბაზრის ამჟამინდელმა რეცესიამ შესაძლოა მთელს ინდუსტრიას სარგებელი მოუტანოს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)