მილიონერების 82% კრიპტოვალუტით არის დაინტერესებული
საკონსულტაციო ფირმა deVere Group-ის მონაცემებით, გამოკითხული მილიონერების 82% ციფრულ ვალუტაში, მათ შორის ბიტკოინში ინვესტიციით არის დაინტერესებული.
გამოკითხვაში მონაწილეობის მიღება deVere Group-ის იმ კლიენტებს შესთავაზეს, რომელთა აქტივები 1.2 მილიონი დოლარიდან 6.1 მილიონ დოლარამდე მერყეობდა. როგორც გაირკვა, 10 რესპონდენტიდან 8 გასულ წელს კრიპტოვალუტაში ინვესტიციით იყო დაინტერესებული.
კომპანიის აღმასრულებელი დირექტორისა და დამფუძნებელის ნაიჯელ გრინის (Nigel Green) თქმით, ჩვეულებრივ მილიონერები ინვესტიციებში საკმაოდ კონსერვატიულები არიან.
მაგრამ ის ფაქტი, რომ გამოკითხულთა 82% ბიტკოინით და ზოგადად კრიპტოვალუტით იყო დაინტერესებული, ძალიან მნიშვნელოვანია.
ეს იმაზე მეტყველებს, რომ BTC-ის უპირატესობა კონსერვატიული ინვესტორებისთვისაც აშკარა ხდება.
deVere-ს შეძლებულ კლიენტებს შორის მსგავსი გამოკითხვა პირველად არ ჩაუტარებია. მანამდე ჩატარებული ყოველი კვლევის შედეგიც ანალოგიური იყო და მოცემული ჯგუფის კრიპტოვალუტებისადმი მზარდ ინტერესს ასახავდა.
„2013 წლის შემდეგ 2023 წლის იანვარი ბიტკოინისთვის შესაძლოა საუკეთესო წელი გახდეს. ინვესტორები მიიჩნევენ, რომ ინფლაციამ პიკი უკვე გადალახა და მონეტარული პოლიტიკა შერბილდება. გარდა ამისა, კრიპტოვალუტის ინდუსტრიამ საკმაოდ ბევრი რყევა განიცადა და ახლა ინვესტორები უფრო მშვიდ და ხელსაყრელ პერიოდს ელოდებიან. წლის დასაწყისიდან პირველი კრიპტოვალუტა 40%-ით გაიზარდა და ეს მდიდარ ინვესტორებს შეუმჩნეველი არ დარჩენიათ “- აღნიშნა ნაიჯელ გრინმა.
გასული წლის ოქტომბერში გრინი ამბობდა, რომ ნაკლებად სავარაუდოა მსხვილ და გრძელვადიან ინვესტორებს ინვესტიციების განხორციელებაში ხელი კრიპტოვალუტის ბაზრის ცვალებადობამ შეუშალოს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)