მოკლევადიან პერსპექტივაში ბიტკოინი შესაძლოა მნიშვნელოვნად გაიაფდეს
Bomberg Intelligence-ის წამყვანი სტრატეგის მოსაზრებით, ბიტკოინის საკმაოდ პოზიტიური მაკროეკონომიკური მდგომარეობის მიუხედავად, პირველი კრიპტოვალუტის ფასი უახლოეს მომავალში შესაძლოა მნიშვნელოვნად დაეცეს.
მაიკ მაკგლოუნმა (Mike McGlone) დევიდ ლინთან (David Lin) ინტერვიუს დროს განაცხადა, რომ ბოლო დღეებში ბიტკოინის ზრდა კომპანია BlackRock-ის მიერ BTC-ზე Spot ETF-ის ჩატარებაზე განაცხადის შეტანას უკავშირდება. ამავდროულად, ანალიტიკოსმა გაიხსენა, რომ აშშ-ს ხელისუფლებას ჯერჯერობით არც ერთი ასეთი განაცხადი არ დაუკმაყოფილებია. ამიტომ, შესაძლოა BTC კურსის ზრდა ხანმოკლე აღმოჩნდეს და ბიტკოინის კურსი დაეცეს.
„იმედი უნდა ვიქონიოთ, რომ მარეგულირებელი ETF-ზე მოთხოვნას დააკმაყოფილებს. რაც სავსებით შესაძლებელია, რადგან მოთხოვნა BlackRock-ისგან არის. ასევე, გრძელვადიან პერსპექტივაში ბიტკოინის ზრდას ველოდები. მაგრამ არის რეცესიასთან დაკავშირებული პრობლემა, რომელიც შეიძლება აშშ-ში დაიწყოს. ნორმალური რეცესიის დროს სარისკო აქტივები ეცემა, კრიპტოვალუტები კი ყველაზე სარისკო აქტივებია. მათგან ბიტკოინი ყველაზე ნაკლებად სარისკოა, მაგრამ ვფიქრობ, რომ არსებობს კურსის მნიშვნელოვანი კლების რისკი. შესაძლოა, ერთ დღესაც ბიტკოინი სარისკო აქტივის სტატუსს დაემშვიდობოს და მასში ინვესტირება დაზღვევის მიზნით მოხდეს. მაგალითად, როგორც ოქროსა და გრძელვადიან ობლიგაციებში. მაგრამ დადგა კი ეს დრო?“- ამბობს მაკგლოუნი.
BlackRock-ის შემდეგ ბიტკოინის ETF-ზე განაცხადი კიდევ ოთხმა კომპანიამ შეიტანა. ესენია Fidelity, Invesco, Wisdom Tree და Valkyrie.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)