მომავალ წელს ბიტკოინი 400%-ით გაიზრდება

 მომავალ წელს ბიტკოინი 400%-ით გაიზრდება

ანალიტიკოსისა და გამოცდილი კრიპტო ტრეიდერის განცხადებით, 2023 წელს ბიტკოინის ფასი ექვსნიშნა რიცხვს მიაღწევს.

ტონ ვეისის (Tone Vays) თქმით, ჰალვინგი იმაზე ადრე განხორციელდება, ვიდრე ინვესტორები ელიან: სავარაუდოდ 2024 წლის მარტში ან აპრილში. მაგრამ ამ მოვლენის მოლოდინით გამოწვეული აჟიოტაჟი უფრო ადრე დაიწყება:

„მაქვს მოლოდინი, რომ მნიშვნელოვანი ზრდა გვექნება, რომელიც შესაძლოა ჰალვინგამდეც  დასრულდეს, რადგან ინვესტორების ენთუზიაზმი ამოწურვადია.

გამიკვირდება, თუ მომავალ წელს ამ 100 000 დოლარს ვერ მივუახლოვდებით“.

ვეისის თქმით, იმის გათვალისწინებით, რომ კრიპტოვალუტის ბაზარზე ამჟამად არაერთგვაროვანი განწყობაა, შესაძლოა არსებული ტრენდის შემოტრიალება მოხდეს.  

„ბევრი ინვესტორი კრიპტოზამთრის გაგრძელებას ელის. მაგრამ როცა ბაზრის ერთ მხარეს ძალიან ბევრი ტრეიდერია, პირიქით ხდება. ამ წუთას მე ძალიან პესიმისტურ განწყობას ვხედავ.“

კრიპტო ტრეიდინგის ვეტერანს მიაჩნია, რომ ისეთი ტრადიციული აქტივების ზრდის შესაძლებლობის ფონზე, როგორიცაა უძრავი ქონება და ობლიგაციები, ციფრული აქტივები შესაძლოა მათში შემავალი სპეკულაციური ვალუტების ბენეფიციარები გახდნენ.  

„ვფიქრობ, ობლიგაციების ბაზარზე დიდი ჩავარდნა მოხდება. შესაძლოა უძრავი ქონების ბაზრის კოლაფსიც მოხდეს. ვფიქრობ, რომ საფონდო და კრიპტო ბაზრებზე ბევრი სპეკულაციური ფული იქნება.“

კომპანია Arcane Research-ის ანალიტიკოსები გვაფრთხილებენ, რომ დაბალი ვოლატილობის პერიოდის შემდეგ, ციფრული აქტივების ბაზრის დინამიკა მკვეთრად შეიცვლება.

მათი პროგნოზის თანახმად, კრიპტო ბაზარი ფეთქებად ცვალებადობას ელოდება. 

.