მსოფლიოს მოსახლეობის 24% კრიპტოვალუტებს ფლობს
კომპანია Morning Consult-ის ანალიტიკოსებმა კვლევის შედეგები გამოაქვეყნეს, რომელთა მიხედვით, მსოფლიოში თითქმის ყოველი მეოთხე ზრდასრული ადამიანი ციფრული აქტივების მფლობელია.
კომპანიის კვლევების თანახმად, მთელი მსოფლიოს მოსახლეობის 24% კრიპტოვალუტებს ფლობს.
პროცენტულად თითქმის იგივე რაოდენობის ადამიანს (23%) ბანკში დეპოზიტი აქვს.
შედარებით მეტი პოპულარობით კი საბროკერო კომპანიები სარგებლობენ და ასეთი კომპანიების ექაუნთები მსოფლიოს ზრდასრული მოსახლეობის 31%-ს აქვს.
„ივლისის კვლევის შედეგებთან შედარებით, კრიპტოვალუტების მფლობელების რიცხვი 2%-ით გაიზარდა.
ამასთან, მიუხედავად იმისა, რომ კრიპტოვალუტების მიმღებლობის თვალსაზრისით, ლიდერებად კვლავაც ლათინოამერიკული ქვეყნები რჩებიან, გერმანიაში, ესპანეთსა და დიდ ბრიტანეთში ჩატარებულმა გამოკითხვამ ცხადყო, რომ ამ ქვეყნებში კრიპტოს მფლობელთა რაოდენობა გაიზარდა.“- ყვება Morning Consult-ის ანალიტიკოსი.
აშშ-ში ციფრული აქტივების მფლობელთა 70% მამაკაცია. საინტერესოა, რომ ესპანური წარმომავლობის მქონე მოქალაქეები აშშ-ს მოსახლეობის მხოლოდ 16%-ს, ხოლო აშშ-ში კრიპტოვალუტების მფლობელების 24%-ს შეადგენენ.
Morning Consult-ის ფინანსური სერვისების სპეციალისტი შარლოტა პრინჩიპატო (Charlotte Principato) მიიჩნევს, რომ კრიპტოვალუტები შეერთებულ შტატებში პოპულარულია სათვისტომოებში, რადგან სათვისტომოს წევრებს ფულადი სახსრების ერთმანეთში უფრო მარტივად და სწარაფად გაცვლის საშუალება ეძლევათ.
გარდა ამისა, სათვისტომოების წევრებს ხშირად უჭირთ ანგარიშების გახსნა ჩვეულებრივ ბანკებში.
„კრიპტოვალუტებმა დაამტკიცეს, რომ ისინი მხოლოდ წარმავალ, ტრენდულ ტექნოლოგიას არ წარმოადგენ.
2022 წელს საზოგადოების მიერ ციფრული აქტივების ათვისება გაიზრდება, ისინი მეტ ყურადღებას მიიპყრობენ და უფრო მეტ ადგილს დაიკავებენ მომხმარებლების საფულეში.“- ასკვნიან კვლევის ავტორები.
კომპანია Arizent-მა ცოტა ხნის წინ განაცხადა, რომ ფინანსური კონსულტანტების კლიენტებს შორის კრიპტოვალუტის მფლობელთა რაოდენობა მკვეთრად გაიზარდა.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)