by Maria 
მსოფლიოს უმსხვილესი ბანკების ჯგუფი საკუთარ სტეიბლკოინს გამოუშვებს
მსოფლიოს უმსხვილესმა ბანკებმა – Banco Santander, Bank of America, Barclays, BNP Paribas, Citi, Deutsche Bank, Goldman Sachs, MUFG Bank Ltd, TD Bank Group და UBS – საკუთარი სტაბილური კრიპტოვალუტის გამოშვების შესაძლებლობის შესწავლა დაიწყეს.
ერთობლივი განცხადების თანახმად, ბანკების ციფრული ფული ღია ბლოკჩეინებზე ხელმისაწვდომი სტაბილური საგადახდო აქტივების სახით იქნება წარმოდგენილი. ისინი 1:1 თანაფარდობის რეზერვებით იქნება უზრუნველყოფილი. სტეიბლკოინი ორიენტირებული იქნება G7 ქვეყნების ვალუტებზე, რომლებიც მოიცავს აშშ-ს, კანადას, საფრანგეთს, გერმანიას, იტალიას, იაპონიას და გაერთიანებულ სამეფოს. ბანკების განცხადებაში პროექტის განხორციელების ვადები არ არის გახმაურებული, მაგრამ მოსალოდნელია, რომ ის კონკურენციას გაუწევს Tether-ს USDT-ს, რომლებიც ბაზრის კაპიტალიზაციის მიხედვით ყველაზე დიდ სტაბილურ კრიპტოვალუტებს წარმოადგენენ.
ამ ინიციატივის მიზანი იმის დადგენაა, შეძლებენ თუ არა ბანკები კერძო კრიპტო კომპანიებთან საბაზრო კონკურენციის გაზრდის პარალელურად, ციფრული აქტივების უპირატესობის რეალიზება მოახდინონ. ეს მარეგულირებელი მოთხოვნების სრულ დაცვას, მათ შორის რისკების მართვას მოითხოვს. ბანკების ჯგუფის განცხადებით, ისინი ამ საკითხთან დაკავშირებით მარეგულირებლებთან თანამშრომლობენ.
ბოლო თვეებში ტრადიციულმა კომპანიებმა, როგორიცაა Amazon და Walmart, ასევე მსხვილმა ბანკებმა, მათ შორის Bank of America-მ, საკუთარი ტოკენების გამოშვების იდეის მიმართ მზარდი ინტერესი გამოხატეს. ეს განპირობებულია GENIUS აქტის მიღებით, რომელიც სტეიბლკოინებს არეგულირებს. ამ კანონს აშშ-ის პრეზიდენტმა დონალდ ტრამპმა ხელი ივლისში მოაწერა.
სიახლეების გამოწერა
