მსხვილი ინვესტორები ბიტკოინის ყიდვას კვანტური საფრთხის გამო ერიდებიან

მსხვილი ინვესტორები ბიტკოინის ყიდვას კვანტური საფრთხის გამო ერიდებიან

კანადელი ბიზნესმენისა და Shark Tank-ის წამყვანის კევინ ო’ლირის (Kevin O’Leary) განცხადებით, მსხვილი კომპანიები ბიტკოინის შესყიდვების გაზრდას მომავალში ბიტკოინის ბლოკჩეინზე მოსალოდნელი კვანტური შეტევების მიზეზით ერიდებიან.

ო’ლირის თქმით, კვანტური გამოთვლები ის მწვავე საკითხია, რომელიც ინვესტორებს ბოლო დროს განსაკუთრებით აწუხებთ. თეორიული რისკი იმისა, რომ მომავალში რომელიმე ძლიერ კვანტურ კომპიუტერს მსოფლიოში პირველი კრიპტოვალუტის ბლოკჩეინის კრიპტოგრაფიის გატეხვა შეუძლია, ბაზრის ძირითად მოთამაშეებს აშფოთებს და ინვესტიციებს აფერხებს.

სანამ ბიტკოინის დეველოპერები ბლოკჩეინის კვანტური საფრთხეებისგან დასაცავად მკაფიო და სანდო გადაწყვეტას არ შეიმუშავებენ, ნაკლებად სავარაუდოა, რომ დიდმა კორპორაციებმა ბიტკოინს თავიანთი საინვესტიციო პორტფელების სულ მცირე 3%-იც კი დაუთმონ. ისინი ფრთხილად, დისციპლინირებულად იმოქმედებენ და უსაფრთხოების მკაფიო გარანტიებს დაელოდებიან, წერს ტელეწამყვანი.

126,000 დოლარის ოქტომბრის მაქსიმუმთან შედარებით, ბიტკოინის ფასი დაახლოებით 50%-ით დაეცა. ასეთი კლების შემდეგ კრიპტო ბაზრის დანარჩენი ნაწილიც ჩამოინგრა. ალტკოინების 80-90% გაქრა და ამის უკან „რაღაც უფრო მნიშვნელოვანი იმალება.“- განაცხადა ო’ლირიმ.

„ინსტიტუციონალურმა ინვესტორებმა საბოლოოდ გააკეთეს გამოთვლები და გააცნობიერეს, რომ თუ კრიპტოვალუტიდან მოგების მიღება სურთ, მათ მხოლოდ ბიტკოინი და ეთერიუმი სჭირდებათ. ყველაფერი დანარჩენი უბრალოდ უსარგებლო მონეტებია, ამიტომ ისინი გადაყარეს.“- დაწერა ბიზნესმენმა სოციალურ ქსელ X-ში.

ცოტა ხნის წინ, პროექტ Bitcoin Vector-ისა და საინვესტიციო ფონდ CMCC Crest-ის თანადამფუძნებელმა, ვილი ვუმ (Willy Woo) შეშფოთება გამოთქვა იმასთან დაკავშირებით, რომ თუ Bitcoin-ის ქსელის დეველოპერები ბლოკჩეინის კვანტური კომპიუტერებისგან დასაცავად „ჰარდ ფორკს“ ჩაატარებენ, შესაძლოა კრიპტო საზოგადოების წევრებს შორის ღრმა განხეთქილება გაჩნდეს.

წყარო: https://x.com/kevinolearytv/status/2023550841618076019