ნაკლებად სავარაუდოა ბიტკოინმა წლის ბოლომდე 30000-ს გადააჭარბოს

მაიკლ ნოვოგრაცი: „ნაკლებად სავარაუდოა ბიტკოინმა წლის ბოლომდე 30000-ს გადააჭარბოს“ 

Galaxy Digital-ის დამფუძნებელის აზრით, დღევანდელ პირობებში ჯერ კიდევ შესაძლებელია ბიტკოინი დანაზოგის შენახვის საშუალებად გამოდგეს, მაგრამ წლის ბოლომდე ის მანამდე მიღწეულ სიმაღლეებს ვეღარ მიაღწევს.

მაკროეკონომიკური მდგომარეობის თუ ბაზრის პერიოდული ვარდნის მიუხედავად, მაიკლ ნოვოგრაცი (Michael Novogratz) ბიტკოინის ფასის პროგნოზირების დროს ყოველთვის ოპტიმისტურად იყო განწყობილი.

CNBC-ის წამყვანთან საუბრისას, კრიპტოვალუტის ენთუზიასტმა  ვარაუდი გამოთქვა, რომ უახლოეს თვეებში ბიტკოინი შესაძლოა მნიშვნელოვნად აღდგეს. მისი პროგნოზის მიხედვით, BTC-ის  ფასი 20,000-22,000 დოლარი იქნება.

იდეალური ფასი კი 30,000 დოლარს შეადგენს. ნოვოგრაცის აზრით, მომავალ წლამდე ასევე შენელდება ინსტიტუციური ინვესტორების მხრიდან ბიტკოინში კაპიტალის შემოდინებაც.

Galaxy Digital-ის აღმასრულებელმა დირექტორმა აღნიშნა, რომ ბიტკოინი არსებული ბაზრის პირობებშიც კი, შეიძლება ინფლაციისგან დაზღვევის საშუალება გახდეს.

ის აღიარებს, რომ აშშ-ს ფედერალური სარეზერვო სისტემის (Fed) მიერ საპროცენტო განაკვეთის ზრდამ  პირველი კრიპტოვალუტის ფასზე იმოქმედა.

მაგრამ, თუ მარეგულირებელი  პოლიტიკას შეარბილებს, ეს  ბიტკოინსა და სხვა კრიპტო აქტივებზე დადებითად აისახება. ამასობაში,  ბიტკოინმა უკვე გადალახა ფსიქოლოგიური  ზღვარი და მისი საბაზრო კაპიტალიზაცია 385,4 მილიარდ დოლარს შეადგენს.

„როდესაც ჯერომ პაუელმა ინფლაციას ბიძგი მისცა, გამოწვეულმა აურზაურმა  ბიტკოინს სხვა აქტივებთან ერთად დაარტყა.  თუ Fed  უარს იტყვის ბრძოლაზე და საკვანძო განაკვეთს შეამცირებს, ეს დადებით გავლენას ბიტკოინზე და მთელ საფონდო ბირჟაზე მოახდენს.“- თქვა ნოვოგრაცმა.

მილიარდერმა ცოტა ხნის წინ განაცხადა, რომ ის დიდ პოტენციალს დეცენტრალიზებული ფინანსების (DeFi) სექტორში  ხედავს.

მაგრამ, საკრედიტო და საინვესტიციო რისკების შესამცირებლად  მკაფიო მარეგულირებელი სტანდარტების შემუშავების გამოწვევა კვლავაც არსებობს.