ნარკოკარტელები ბიტკოინს სულ უფრო ხშირად იყენებენ
გაეროს ნარკოტიკებისა და დანაშაულთან წინააღმდეგ ბრძოლის ოფისის განცხადებით, მექსიკურ და კოლუმბიურ ნარკოკარტელებს შორის ნარკოტიკებით ვაჭრობისა და ფულის გათეთრებისთვის ბიტკოინის გამოყენება გაიზარდა.
გაეროს ნარკოტიკების კონტროლის საერთაშორისო საბჭოს თანახმად, მექსიკის უმსხვილესი კარტელი Sinaloa და მისი მთავარი კონკურენტი, შედარებით ახალგაზრდა და სწრაფად მზარდი Jalisco New Generation Cartel, უკანონო მოქმედებების განსახორციელებლად ბიტკოინს იყენებენ.
გაირკვა, რომ მხოლოდ მექსიკაში ნარკოკარტელები კრიპტოვალუტის საშუალებით დაახლოებით 25 მილიარდ დოლარს ათეთრებენ.
ანონიმურობისა და ტრანზაქციის მაღალი სიჩქარის გამო ციფრული აქტივების გამოყენებას კოლუმბიის ორგანიზებული დანაშაულებრივი ჯგუფებიც ამჯობინებენ.
კარტელის ლიდერები ნარკოტიკების გაყიდვიდან მიღებულ შემოსავალს მცირე თანხებად ყოფენ. ფულის წარმომავლობის დასაფარად და სხვა ქვეყნების პარტნიორებთან ანგარიშსწორებისთვის ამ თანხებით ბიტკოინის შეძენა ხდება.
კომიტეტი ასევე იტყობინება, რომ ნარკოკარტელებმა ძველი სინთეზური ნარკოტიკების წარმოების „აღორძინება“ დაიწყეს, რომელთა წარმოებაც მათი საშიში გვერდითი ეფექტების გამო აკრძალული იყო.
ნარკოდილერები აკრძალულ ნივთიერებებს Darknet-ის ქსელში ხშირად ყიდიან. Darknet პლატფორმის გამოყენების მიუხედავად, სამართალდამცავი ორგანოები ნარკორეალიზატორების იდენტიფიცირებას და სასამართლოს წინაშე წარდგენას მაინც ახერხებენ.
ამგვარად, 2020 წელს აშშ-ს იუსტიციის დეპარტამენტმა, კონტრაბანდისტებისა და ნარკომოვაჭრეებისგან დარკნეტში 6.5 მილიონის კრიპტოვალუტის კონფისკაცია მოახდინა.
სამართალდამცავების ცნობით, ნარკომოვაჭრეებში განსაკუთრებით პოპულარული კრიპტო ბანკომატები ხდება.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)