აშშ-ს ნარკოტიკების წინააღმდეგ ბრძოლის ადმინისტრაციის სტრატეგიული დაზვერვის განყოფილების ანგარიშის თანახმად, ნარკომოვაჭრეები სულ უფრო ხშირად იყენებენ კრიპტოვალუტებსა და კრიპტომატებს ფულის გასათეთრებლად.
განყოფილების ანალიტიკოსები აღნიშნავენ, რომ კორონავირუსის პანდემიის გამო ტრანსსასაზღვრო გადაზიდვები, მათ შორის აშშ-სა და მექსიკას შორის, მნიშვნელოვნად შემცირდა. ამან ნარკორეალიზატორების ხელში დიდი რაოდენობით ფულადი სახსრების დაგროვება გამოიწვია.
კრიპტომატები ნარკოტიკების საერთაშორისო მომწოდებლებისთვის საზღვარგარეთ ფულის გადაგზავნის ერთ-ერთი მეთოდი გახდა. მიუხედავად იმისა, რომ სტატისტიკა მოცემული არ არის, ანგარიშში აღნიშნულია, რომ გახშირებულია ვირტუალური ვალუტების და კრიპტომატების გამოყენებით ფულის გათეთრების შემთხვევები:
„ნარკომოვაჭრეები და პირები, რომლებიც ფულის გათეთრებით არიან დაკავებული, უფრო ხშირად იყენებენ ვირტუალურ ვალუტას თავიანთი საქმიანობისთვის. იყო შემთხვევები, როდესაც საბითუმო გაყიდვების ანგარიშსწორება ნაღდი ფულის ნაცვლად ვირტუალური ვალუტებით ხდებოდა, იგივე მეთოდი გამოიყენებოდა ფულის გათეთრების მთლიან ციკლშიც.“
იმის მიუხედავად, რომ კრიპტომატები ფულის გათეთრებასთან ბრძოლის საბაბით იგივე მოთხოვნილებებს უნდა აკმაყოფილებდნენ, რასაც ჩვეულებრივი ბანკები, „არაკეთილსინდისიერმა მფლობელებმა“ შესაძლოა ნება დართონ ნარკომოვაჭრეებს შეიტანონ დიდი მოცულობის ნაღდი ფული ისე, რომ არ გაამჟღავნონ მისი წარმომავლობა.
კრიპტოვალუტების კანონსაწინააღმდეგო მიზნებისთვის გამოყენების პრობლემას არაერთხელ შეეხო აშშ ფინანსთა მინისტრი ჯანეტ იელენიც (Janet Yellen).
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)