ნიგერიაში Binance-ის ტოპ-მენეჯერები პატიმრობაში რჩებიან
გამოცემა Wall Street Journal-ის (WSJ) წყაროების თანახმად, ნიგერიის სასამართლომ უმსხვილესი კრიპტოვალუტის ბირჟა Binance-ის ტოპ-მენეჯერები, რომლებიც ნახევარი თვის წინ დააკავეს, მინიმუმ 20 მარტამდე პატიმრობაში დატოვა.
აშშ-ს საგადასახადო სამსახურის კიბერდანაშაულებათა განყოფილების ყოფილი გამომძიებელი ტიგრან გამბარიანი (Tigran Gambaryan) და აფრიკის რეგიონალური მენეჯერი ნადიმ ანჯარვალა (Nadeem Anjarwalla) ნიგერიის ხელისუფლებამ თებერვლის ბოლოს დააკავა.
ტოპ-მენეჯერები ქალაქ აბუჯაში 25 თებერვალს ქვეყნის მთავრობის მოწვევით ჩავიდნენ, რათა Binance-ის მიმართ პრეტენზიები განეხილათ.
როგორც WSJ-ის ჟურნალისტებმა შეიტყვეს, მოლაპარაკებების შემდეგ, კრიპტო ბირჟის წარმომადგენლები ჯერ ადგილობრივ სასტუმროში განთავსდნენ, საიდანაც შემდგომ ნიგერიის ეროვნული უსაფრთხოების სააგენტოს დაცვის ქვეშ მყოფ სასახლეში გადაიყვანეს.
კრიპტოვალუტის უმსხვილესი საერთაშორისო სავაჭრო პლატფორმის ტოპ-მენეჯერებისთვის ბრალი ამ დრომდე არ წარუდგენიათ. ნიგერიის ხელისუფლებას არც დაკავების ოფიციალური მიზეზი გაუმხელია.
WSJ-ის ჟურნალისტები პატიმრობაში მყოფი ბირჟის მენეჯერების ნათესავებს დაუკავშირდნენ, რომლებმაც ქვეყნის ხელისუფლებას ტიგრან გამბარიანისა და ნადიმ ანჯარვალას დაუყოვნებლივ გაეთავისუფლება მოსთხოვეს.
თავის მხრივ, Binance ირწმუნება, რომ თანამშრომლების გათავისუფლებისა და შინ რაც შეიძლება სწრაფად დაბრუნებისთვის ყველა ზომას იღებს.
მანამდე ნიგერიის ხელისუფლებამ კრიპტოვალუტის ბირჟას ადგილობრივი მომხმარებლებისა და მათი ტრანზაქციების შესახებ ბოლო ექვსი თვის ინფორმაციის მიწოდება მოსთხოვა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)