ორმა ბიტკოინ-ფერმერმა ბულგარეთში 1.5$ მილიონის ელექტროენერგია მოიპარა

ორმა ბიტკოინ-ფერმერმა ბულგარეთში 1.5$ მილიონის ელექტროენერგია მოიპარა

ორმა ბულგარელმა ბიტკიონ-ფერმერმა მაინინგ ფერმებისთვის ბულგარეთში, 1.5 მილიონი აშშ დოლარის ელექტროენერგია არალეგალურად მოიხმარა.

ისინი სამართალდამცველებმა დააკავეს.

ბულგარეთის შესაბამისი რეგიონის შსს-ის სამინისტროს დეპარტამენტის და კომპანია “CEZ ელექტრო ბულგარეთის” წარმომადგენლებმა პრესკონფერენციაზე განაცხადეს, დაკავებულები 31 და 38 წლის კაცები არიან, რომლებიც ორ არალეგალურ კრიპტო-ფერმას დაახლოებით 6 თვის განმავლობაში ფლობდნენ. თუმცა, როგორც ირკვევა, მაინინგისთვის საჭირო მოწყობილობები იქ წელიწადზე მეტი ხნის განმავლობაში ჰქონდათ.

კომპანია CEZ-ის დირექტორის მოადგილემ, ფილიპ იორდანოვმა თქვა, რომ ეს ქვეყანაში ელექტროენერგიის ქურდობის ყველაზე ფართომასშტაბიანი ქურდობაა.

მსოფლიოში ელექტროენერგიის ყველაზე მსხვილი ქურდობა ჩინეთში, 2019 წლის ივლისში მოხდა. მაშინ 22 ადამიანი დააკავეს, მოპარული იყო 3 მილიონი აშშ დოლარის ღირებულების ელექტროენერგია, რომელიც ჯამში 9 მაინინგ-ფერმას მოხმარდა.

იმავე ბრალდებით 1 ადამიანი დააკავეს რუსეთშიც, 2019 წლის ივნისში. მას ბრალად 500 000 აშშ დოლარის ელექტროენერგიის არალეგალურად მოხმარება ედებოდა. მარტში კი რუსეთშივე დააკავეს 9 პირი, მაინინგ ფერმებისთვის 200 000 აშშ დოლარის ღირებულების დენის მოპარვისთვის.