ოქროს ფასის ზრდა ბიტკოინის 45,000$-მდე ზრდას გამოიწვევს

ოქროს ფასის ზრდა ბიტკოინის 45,000$-მდე ზრდას გამოიწვევს

საინვესტიციო ბანკ JPMorgan-ის ანალიტიკოსების აზრით, ოქროს ფასის ზრდა ბიტკოინის ფასზეც აისახება. მათი თქმით, BTC 45000 $-ს მიაღწევს.

ნიკოლაოს პანიგირძოღლუს (Nikolaos Panigirtzoglou) გუნდმა ხაზგასმით აღნიშნა, რომ ბიტკოინისა და ოქროს კურსებს შორის მნიშვნელოვანი კორელაციაა.

ოქროს კურსი ამჟამად დაახლოებით 2000 დოლარს შეადგენს, რაც საკმაოდ მაღალი ფასია და რაც ნიშნავს, რომ ბიტკოინი ასევე უნდა გაიზარდოს.

„იმ პირობებში, როცა ოქროს ფასი 2000 დოლარზე მეტია, ძვირფასი ლითონის კაპიტალიზაცია, სხვადასხვა ქვეყნის ცენტრალური ბანკის რეზერვების გამოკლებით, დაახლოებით 3 ტრილიონ დოლარად არის შეფასებული. თავის მხრივ, იმის გათვალისწინებით, რომ კერძო ინვესტორებისთვის ბიტკოინი ისეთივე დამცავი აქტივია, როგორც ოქრო, ეს ბიტკოინის 45,000 აშშ დოლარამდე ზრდას უნდა გულისხმობდეს.“- ნათქვამია მოხსენებაში.

ანალიტიკოსებმა ასევე შეგვახსენეს, რომ მომავალ წელს ბიტკოინის მორიგი ჰალვინგი გაიმართება და ბლოკის მოპოვებისთვის მაინერების ჯილდო ორჯერ შემცირდება. ამან პირველი კრიპტოვალუტის ფასი „მექანიკურად“ 40 000 დოლარამდე უნდა გაზარდოს.

„საქმე იმაშია, რომ ბიტკოინის მაინინგის თვითღირებულება ისტორიულად  BTC-ის კურსის ქვედა ზღვარს წარმოადგენდა. და როგორც 2016 და 2020 წლებში ვნახეთ, ჰალვინგს ბიტკოინის ფასის ზრდა ყოველთვის თან ახლდა.“- აღნიშნეს JPMorgan-ის სტრატეგებმა.

ანალიტიკოსები თვლიან, რომ მომდევნო 12 თვის განმავლობაში ბიტკოინი მინიმუმ 25%-ით უნდა გაიზარდოს, ჰალვინგის შემდეგ კი BTC კურსის ზრდა უნდა გაგრძელდეს. რაც შეეხება ETH-ს, მის მიმართ ბანკის ანალიტიკოსები არც ისე ოპტიმისტურად არიან განწყობილნი.

მათ მიაჩნიათ, რომ საშუალოვადიან პერსპექტივაში Ethereum-ის ეფექტურობა ბიტკოინს ჩამორჩება.