ოქროში და კრიპტოვალუტაში ინვესტირების დროა

ოქროში, ბიტკოინში, ეთერიუმში, სოლანაში ინვესტირების დროა.

ბესტსელერის Rich Dad Poor Dad ავტორი რობერტ კიოსაკი მიიჩნევს, რომ ახლა ისეთ აქტივებში ინვესტირების დროა, რომლებსაც ინფლაციისგან დაცვა შეუძლიათ.

რობერტ კიოსაკიმ Twitter-ზე განაცხადა, რომ  მსოფლიო აშშ დოლარის დაცემის მოლოდინშია. მან გამომწერებს მოუწოდა  „მესამე მსოფლიო ომის ზღვარზე“ინვესტირება ოქროში და ციფრულ აქტივებში მოახდინონ.

„უილ სმიტმა ოსკარების დაჯილდოებაზე კრის როკს სილა უთავაზა. ბაიდენი პუტინს სილას მსოფლიო ასპარეზზე აწნის. ტოქსიკური მამაკაცურობა.. სამყარო განსაცდელშია..

სახელმწიფო ვალი იზრდება. დოლარი ეს ესაა ჩამოიშლება. მესამე მსოფლიო ომამდე იყიდეთ მეტი ოქრო, ვერცხლი, ბიტკოინი, ეთერიუმი და სოლანა.“

გასულ კვირას მწერალმა განაცხადა, რომ ერთ-ერთი მთავარი მიზეზი, რის გამოც ის მხარს ბიტკოინს უჭერს, მისი დეცენტრალიზაციაა.  ბიტკოინისთვის საზღვრების დაწესება არცერთ მთავრობას არ შეუძლია. იგივე ეხება ბლოკჩეინს. მას შეუძლია ტექნოლოგიასა და მაკროეკონომიკას შორის ძლიარი დამაკავშირებელი რგოლი გახდეს, თქვა კიოსაკიმ.

მარტის დასაწყისში რობერტ კიოსაკიმ განაცხადა, რომ მსოფლიო ეკონომიკა ახლა ჰიპერინფლაციის ზღვარზეა და საფონდო ბირჟებისთვის თავის არიდების რჩევა გააჟღერა.

ადრე კიოსაკი კრიპტოვალუტების მიმართ ოპტიმისტურად იყო განწყობილი.

ის ოქროს, ვერცხლისა და ბიტკოინის შეძენას, ინფლაციისგან დაზღვევად განიხილავდა. თუმცა, ცოტა ხნის წინ თქვა, რომ აშშ-ს მთავრობა ყველა კრიპტოვალუტის კონფისკაციას მოახდენს : მას შემდეგ, რაც აშშ-ს პრეზიდენტმა ჯო ბაიდენმა კრიპტოვალუტების რეგულირების შესახებ განკარგულებას მოაწერა ხელი, შემდეგი ნაბიჯი  „აშშ-ის ფედერალური რეზერვის კრიპტოვალუტის“ გამოშვება უნდა იყოს.

ამის შემდეგ კი ყველა კრიპტოვალუტის კონფისკაცია და  სახელმწიფო ციფრულ ვალუტაში გადაყვანა მოხდება, „მშვიდობით ბიტკოინო“.

გეოპოლიტიკური დაძაბულობისა და მზარდი ინფლაციის ფონზე კიოსაკი ურჩევს ინვესტირებას არა მხოლოდ ბიტკოინში, არამედ პოპულარულ ალტკოინებშიც.

უნდა აღინიშნოს, რომ იანვარში ბიტკოინის კურსის ვარდნის ფონზე მწერალმა განაცხადა, რომ მეტ კრიპტოვალუტას შეიძენდა, თუ BTC-ის ფასი 20,000$-მდე ჩამოვა.