პანიკა BTC-ის შესაძენად საუკეთესო დროა

პანიკა BTC-ის შესაძენად საუკეთესო დროა

DeVere Group-ის აღმასრულებელი დირექტორის ნაიჯელ გრინის აზრით, ინვესტორებმა ბიტკოინი ახლავე, კორექტირების დროს უნდა იყიდონ, რადგან ერთ წელიწადში მისი კურსი გაორმაგდება.

გასულ კვირას ბიტკოინის ფასი ფინანსური ბაზრების,  საფონდო ინდექსებისა და სასაქონლო ფიუჩერსების ვარდნის საპასუხოდ 54 000 დოლარამდე დაკორექტირდა.

მოცემული ვითარება  სამხრეთ აფრიკაში კორონავირუსის ახალი შტამის  Omicron-ის გამოჩენამ გამოიწვია, რომელიც  მსოფლიოს სხვადასხვა კუთხეში სწრაფად ვრცელდება.

საკონსულტაციო კომპანია deVere Group-ის აღმასრულებელი დირექტორი ნაიჯელ გრინი (Nigel Green) მიიჩნევს,

რომ განვითარებულმა მოვლენებმა ბირჟებზე გაურკვევლობისა და პანიკის ახალი ტალღა შექმნა, რაც ბიტკოინის შესაძენად შესანიშნავ შესაძლებლობად უნდა ჩაითვალოს.

„ბიტკოინის შეჩერება შეუძლებელია და მე დარწმუნებული ვარ, რომ 12 თვეში მისი კურსი გაორმაგდება. კრიპტოვალუტებისადმი ინვესტორების ძლიერი ინტერესი მონეტარული სისტემის გარდაუვალი მომავალია. გამოცდილი ინვესტორები გამოიყენებენ ნებისმიერ შესაძლებლობას, რათა ბიტკოინი დაბალი შესვლის წერტილში იყიდონ ”- თქვა გრინმა.

გრინის თქმით, ბიტკოინმა საფონდო ბაზრის კლებაზე მძაფრი რეაქცია აჩვენა. თუმცა, ბიტკოინის კურსის ამ ვარდნას სერიოზული მიზეზები არ აქვს და უახლოეს მომავალში ის ზრდას კვლავ განაგრძობს.

გრინის განმარტებით,  ბევრი საცალო და ინსტიტუციური ინვესტორი ბიტკოინს, როგორც დაგროვების ეფექტურ საშუალებას ხედავს.

მაგალითად, ჰეჯ-ფონდ Tudor BVI-ის მენეჯერი პოლ ტიუდორ ჯონსი (Paul Tudor Jones) მიიჩნევს, რომ ბიტკოინს ოქროსთან შედარებით ბევრი უპირატესობა აქვს .

გრინმა ასევე თქვა, რომ Omicron-ის გავრცელებასთან დაკავშირებით შეშფოთება ხანმოკლე იქნება, რადგან ინვესტორები ყურადღებას  ინფლაციის ზრდაზე ამახვილებენ.

„ინფლაცია ბიტკოინზე მკვეთრ მოთხოვნას  გამოიწვევს, ამიტომ კრიპტოვალუტის ბაზარზე  ინვესტიციები ინსტიტუციური ინვესტორებისგან შემოვა. თავის მხრივ, ბიტკოინის მიმართ ნდობა გაიზრდება, ისევე როგორც მისი კურსი“- ივარაუდა გრინმა.

მეორეს მხრივ, არ უნდა დაგვავიწყდეს, რომ ბოლო წლებში ბიტკონმა  საფონდო ინდექსების (პირველ რიგში S & P500) და სასაქონლო ფიუჩერსების მოძრაობასთან კორელაცია დაიწყო. ამას ბაზარზე ინსტიტუციური ინვესტორების შესვლით ხსნიან, რომლებიც კრიპტოვალუტებს ტრადიციულ აქტივებთან ერთად ყიდულობენ და ყიდიან. ეს კი ნიშნავს, რომ ფინანსურ ბაზრებზე მოძრაობა ბიტკოინზე უფრო მეტ გავლენას ახდენს, ვიდრე ადრე.

აგვისტოში გრინმა განაცხადა რომ თუ Ethereum 2.0 განახლება წარმატებით განხორციელდა, ბიტკოინმა შესაძლოა ბაზრის კაპიტალიზაციის მხრივ პირველი ადგილი ეთერიუმს დაუთმოს.

წყარო: https://bits.media/