by Giorgi 
პოლონეთის სეიმმა კრიპტო ბაზრის მარეგულირებელი კანონის მიღებას მიაღწია
ადგილობრივი მედიის ცნობით, პოლონეთის სეიმმა, ეროვნული ასამბლეის ქვედა პალატამ, პრეზიდენტის ვეტო დაძლია და კრიპტოვალუტის ბაზრის შესახებ კანონი ხმათა უმრავლესობით მიიღო.
ევროპული რეგლამენტის – MiCA-ს შესაბამისად, რომელიც პოლონეთმა სრულად კრიპტოაქტივების ბაზრის რეგულირების ეროვნულ აქტად გარდაქმნა, ქვეყანა ვირტუალური კრიპტოაქტივების მომსახურების ყველა მიმწოდებლისთვის (CASP), მათ შორის ბირჟებისთვის, ბროკერებისთვის, კრიპტო საფულეების მიმწოდებლებისთვის და სხვა ციფრული პლატფორმებისთვის სავალდებულო ლიცენზირებას ნერგავს.
CASP პროვაიდერებს გაწეული მომსახურების კლასის მიხედვით მინიმალური საწესდებო კაპიტალი მოეთხოვებათ. მაგალითად კომპანიებს, რომლებიც დაბალი რისკის მქონე მომსახურებას უზრუნველყოფენ, როგორიცაა: შეკვეთის შესრულება, აქტივების განთავსება, კრიპტოაქტივების გადარიცხვა, კონსულტაცია ან საინვესტიციო პორტფელის მართვა, მინიმუმ 50,000 ევროს (58,000$) ოდენობის სააქციო კაპიტალის ქონა მოეთხოვებათ.
იმ კომპანიებისთვის, რომლებიც ზემოაღნიშნული მომსახურების გარდა, მომხმარებლის აქტივების შენახვას და კრიპტოვალუტების ფიატურ ფულზე ან სხვა კრიპტოაქტივებზე გაცვლას უზრუნველყოფენ, მინიმალური ზღვარი 125,000 ევრომდე (145,000$) იზრდება.
ყველაზე მკაცრი მოთხოვნები სავაჭრო პლატფორმების ოპერატორების მიმართ განისაზღვრა : მათი კაპიტალი მინიმუმ 150,000 ევროს (176,000 აშშ დოლარი) უნდა შეადგენდეს. ეს თანხა მუდმივ მინიმუმს წარმოადგენს, რომლის შენარჩუნებაც CASP პროვაიდერებს მთელი მათი არსებობის განმავლობაში მოეთხოვებათ.
გარდა ამისა, პოლონეთის ფინანსური ზედამხედველობის ორგანოს (KNF) კრიპტო კომპანიების რეგულირებისთვის განსაკუთრებული უფლებამოსილებები მიენიჭა. კერძოდ, მარეგულირებლის მხრიდან კანონდარღვევასთან დაკავშირებული ეჭვის არსებობის შემთხვევაში, KNF-ს კომპანიების ნებისმიერ დროს ცალმხრივად დაბლოკვის და მათი საქმიანობის დამოუკიდებელი აუდიტის მოთხოვნის უფლება ექნება.
დეკემბრის დასაწყისში პოლონეთის პრეზიდენტმა კაროლ ნავროცკიმ დოკუმენტის ზედმეტი მოცულობის, არასაკმარისი გამჭვირვალობისა და ინდუსტრიისთვის ზედმეტად მკაცრი მოთხოვნების მიზეზით, კრიპტოვალუტის ბაზრის შესახებ კანონს ვეტო დაადო. თუმცა, პოლონეთის კონსტიტუციის თანახმად, თუ სეიმი (პარლამენტი) პრეზიდენტის ვეტოს ხმების 3/5-ის უმრავლესობით დაამარცხებს, პრეზიდენტი ვალდებულია კანონს ხელი შვიდი დღის განმავლობაში მოაწეროს.
წყარო: https://www.cryptopolitan.com/polish-sejm-passes-cryptocurrency-act/
სიახლეების გამოწერა
