ჟურნალმა Forbes Ripple-ს ზომბი ქსელი უწოდა

ჟურნალმა Forbes Ripple-ს ზომბი ქსელი უწოდა

Forbes-ის ჟურნალისტებმა Ripple-ის ეკოსისტემის, კერძოდ კი, XRP Ledger-ისა (XRPL) და მონეტა XRP-ის სარგებლიანობა ეჭვქვეშ დააყენეს. ასევე, გამოცემამ ბლოკჩეინებს Ripple, Cardano, Bitcoin Cash, Litecoin და Stellar „ზომბი ქსელები“ უწოდა.

Forbes-ის სტატიაში ნათქვამია, რომ Ripple-ის ბლოკჩეინს მინიმალური სარგებელი მოაქვს. ჟურნალისტების მტკიცებით, XRPL-ს მნიშვნელოვანი საერთაშორისო ფულადი ნაკადი არ გააჩნია, რის გამოც ის SWIFT-ის ტრანსსასაზღვრო გადახდების სისტემას ვერ ჩაანაცვლებს.

მიუხედავად იმისა, რომ XRP -ის საბაზრო კაპიტალიზაცია 36 მილიარდ დოლარს აღემატება, Forbes-ის სტატიაში ის ​​უსარგებლო კრიპტო აქტივად არის მოხსენიებული. „უსარგებლობის“ მაჩვენებლად ქსელში ტრანზაქციების საკომისიო არის მიჩნეული, რომელმაც 2023 წელს მხოლოდ 583,000 აშშ დოლარი შეადგენდა.

SWIFT-ისგან განსხვავებით, რომელიც თითო ტრანზაქციიდან 10$-დან 100$-მდე თანხას იკავებს, XRPL-ს ძალიან მოკრძალებული საკომისიო აქვს – სულ რაღაც 0,0002$. XRPL ტრანზაქციის საკომისიოს შემოსავლის წყაროდ არ იყენებს. ის სპამ ტრანზაქციების შემაკავებელ როლს ასრულებს იმისათვის, რომ ქსელი არ გადაიტვირთოს.

გარდა ამისა, სტატიაში არ არის გათვალისწინებული ის ფაქტი, რომ ბევრი ფინანსური ინსტიტუტი Ripple On-Demand Liquidity პროდუქტს (ODL, RippleNet) უფრო სწრაფი და იაფი ტრანსსასაზღვრო ანგარიშსწორებისთვის იყენებს.

მაგალითად, 2022 წელს Ripple-ისა და Travelex Bank-ის პარტნიორობის შედეგად ბრაზილიაში სერვისი Ripple On-Demand Liquidity ამოქმედდა, რათა ბანკის კლიენტებს გადახდების XRP-ის გამოყენებით განხორციელების შესაძლებლობა ჰქონოდათ. კრიპტოვალუტის გადახდის ოპერატორი BitPay-ის მონაცემებით, XRP-ით გადახდის ოპერაციების რაოდენობა 42%-ით გაიზარდა.

XRPL-ის გარდა, „უსარგებლო“ ბლოკჩეინების სიაში მოხვდნენ Cardano, Bitcoin Cash, Litecoin და Stellar, რამაც კრიპტო საზოგადოების აღშფოთება გამოიწვია და ასეთი „შერჩევის“ კრიტერიუმების შესახებ კითხვები გააჩინა. კერძოდ, Anodos Finance-ის თანადამფუძნებელმა პანოს მეკრასმა (Panos Mekras) Forbes-ის სტატია მკაცრად დაგმო და მას სისულელე და დეზინფორმაცია უწოდა, რადგან ავტორს საფუძვლიანი კვლევა არ ჩაუტარებია.