რამდენიმე ბლოკჩეინზე ასეულობით ყალბი PayPal USD გამოჩნდა
თაღლითები ახლახანს გამოშვებული სტეიბლკოინ PayPal USD-ს გაყალბებით მომხმარებლების მოტყუებას ცდილობენ. ქსელში მინიმუმ 66 ყალბი PYUSD უკვე გამოჩნდა.
DEXTools-ის მონაცემების მიხედვით, ყალბი ტოკენები Ethereum, BNB Chain, Base და სხვა ქსელებშია წარმოდგენილი. უმეტესობა Ethereum-ზეა განთავსეული, სადაც ორიგინალური PYUSD ტოკენი გამოიცა.
ორშაბათს, 7 აგვისტოს, PayPal-მა ტრანსფერებისა და გადახდებისთვის საკუთარი სტეიბლკოინის გამოშვების შესახებ გამოაცხადა. სტეიბლკოინს აშშ დოლარში დეპოზიტების, მოკლევადიანი სახაზინო ობლიგაციებისა და მსგავსი ფულადი ეკვივალენტების მხარდაჭერა აქვს.
ბოროტმოქმედები ყალბ ტოკენებს იმის მიუხედავად გამოსცემენ, რომ PYUSD საერთო ბაზარზე ჯერ არ შემოსულა. ერთ-ერთი ასეთი ყალბი Ethereum ტოკენის ვაჭრობის მოცულობამ ბირჟა Uniswap-ზე უკვე 2,9 მილიონ დოლარს მიაღწია.
თავად PayPal USD-ის ორიგინალი ტოკენი 2022 წლის ნოემბერში შეიქმნა . თუმცა სტეიბლკოინით ტრანზაქციების განხორციელება მხოლოდ დარეგისტრირებულ მომხმარებლებს შეუძლიათ.
სტეიბლკოინ PYUSD-ს ლისტინგში განთავსების შესახებ კრიპტოვალუტის ბირჟამ Huobi ცოტა ხნის წინ გამოაცხადა. სავაჭრო პლატფორმა PYUSD/USDT სავაჭრო წყვილებს ნულოვანი საკომისიოებით გვპირდება.
თებერვალში PayPal-მა საკუთარი სტეიბლკოინის განვითარებაზე მუშაობის დროებითი შეწყვეტის შესახებ გამოაცხადა. კომპანიის გადაწყვეტილებაზე გავლენა აშშ-ს მარეგულირებლის მიერ Paxos-ის მიმართ ჩატარებულმა გამოძიებამ იქონია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)