რატომ აკრძალა ჩინეთმა კრიპტოვალუტა

რატომ აკრძალა ჩინეთმა კრიპტოვალუტა

ჩინეთის ცენტრალური ბანკის ყოფილმა მრჩეველმა  კრიპტოვალუტების აკრძალვის მიზეზი ახსნა.

ფინანსებისა და ეკონომიკის დარგში პეკინის უნივერსიტეტის პროფესორმა, ჩინეთის სახალხო ბანკის მონეტარული პოლიტიკის კომიტეტის ყოფილმა წევრმა თავის ახლახანს გამოქვეყნებულ ერთ-ერთ სტატიაში ჩინეთის ხელისუფლების მიერ ქვეყანაში კრიპტოვალუტების მიმოქცევის აკრძალვის მიზეზები განმარტა.

ჰუანგ იპინგი (Huang Yiping) წერს, რომ კრიპტოვალუტების აკრძალვის მთავარი მიზეზი ფულის გათეთრებასთან დაკავშირებული პრობლემები იყო.

ის დარწმუნებულია, რომ კონტროლისა და შეზღუდვების გარეშე ციფრული აქტივებით ვაჭრობა ქვეყნისთვის უფრო უარყოფით შედეგების მომტანია ვიდრე დადებითის.

პროფესორის თქმით, ბიტკოინის მსგავსი ელექტრონული ფული ციფრულ აქტივად და არა რეალურ ვალუტად ფუნდამენტური ღირებულების არარსებობის გამო ითვლება. ის ირწმუნება, რომ კვლევების მიხედვით ბიტკოინის ანგარიშების დაახლოებით 25% და მთლიანი სავაჭრო აქტივობის 50% დანაშაულთან არის დაკავშირებული.

ჰუანგ იპინგის მტკიცებით, კრიპტოვალუტების აკრძალვას მოკლევადიან პერსპექტივაში ქვეყნისთვის სარგებელის მოტანა შეუძლია, მაგრამ გრძელვადიან პერსპექტივაში ასეთი ინიციატივა უფრო სერიოზულ განხილვას მოითხოვს.

კრიპტო ინდუსტრიის მიერ დანერგილ ზოგიერთ ციფრულ ტექნოლოგიას, როგორიცაა მაგალითად ტოკენიზაცია და მონაცემთა განაწილებული რეესტრი,  საკუთარი უპირატესობები გააჩნია. თუმცა, ბიტკოინით ვაჭრობის გრძელვადიანი შეზღუდვა მნიშვნელოვანი ტექნოლოგიური უპირატესობების გარეშე დარჩენის რისკებს წარმოშობს.

მეცნიერს მიაჩნია, რომ განვითარებადი ქვეყნისთვის არ არსებობს კონკრეტული იდეალური დანიშნულება, თუ რა პოზიცია უნდა დაიკავოს მთავრობამ კრიპტოვალუტებთან დაკავშირებით.

მაგრამ ოდესმე ეფექტური სტრატეგია უნდა შემუშავდეს და რაც უფრო მალე მოხდება ეს მით უკეთესი.

მანამდე ჩინურმა კომპანიამ Red Date Technology სტეიბლკოინებისა და ცენტრალური ბანკების ციფრულ ვალუტაში ანგარიშსწორებისთვის ტრანსსასაზღვრო გადახდის სისტემის შემუშავების შესახებ გამოაცხადა.