რაულ პალმა ბიტკოინის ბაზრის ვარდნის მიზეზები დაასახელა

რაულ პალმა ბიტკოინის ბაზრის ვარდნის მიზეზები დაასახელა

ეკონომისტის, Real Vision-ის დამფუძნებლისა და აღმასრულებელი დირექტორის, რაულ პალის (Raoul Pal) განცხადებით, ბიტკოინის ბაზრის კლებას კრიპტოინდუსტრიაში არსებულ კონკრეტულ პრობლემებთან საერთო არაფერი აქვს და ის აშშ-ს ეკონომიკაში კრიპტოვალუტებისთვის კაპიტალის ნაკლებობით არის გამოწვეული.

ეკონომისტის თქმით, სულ უფრო გავრცელებული ხდება მოსაზრება, რომ ბიტკოინი და სხვა მსხვილი კრიპტოვალუტები „დაინგრა“ და მათი საბაზრო ციკლი დასრულდა. მისი აზრით, ეს დასკვნა მცდარია. პალი აღნიშნავს, რომ კრიპტო ბაზრის პარალელურად, მკვეთრად დაეცა ე.წ. SaaS კომპანიების – გამოწერაზე დაფუძნებული პროგრამული უზრუნველყოფის ბიზნესების აქციებიც.

„ერთი შეხედვით, ამ ბაზრებს ერთმანეთთან არაფერი აკავშირებთ, მაგრამ სინამდვილეში მათ ბევრი რამ აქვთ საერთო. როგორც კრიპტოვალუტები, ასევე SaaS კომპანიები გრძელვადიანი აქტივებია. მათი ღირებულება აგებულია არა მიმდინარე მოგებაზე, არამედ მომავალი ზრდის მოლოდინზე, ტექნოლოგიების გამოყენებასა და კაპიტალის შემოდინებებზე. სწორედ ამიტომ, ორივე ბაზარი სესხების საპროცენტო განაკვეთების ცვლილებებსა და ეკონომიკაში ფულის ხელმისაწვდომობაზე მკვეთრად რეაგირებს.“- განმარტა პალმა.

თუმცა, ორი ფუნდამენტურად განსხვავებული აქტივების კლასის ერთდროული კლება არა ცალკეულ ბაზრებზე არსებულ შიდა პრობლემებზე, არამედ უფრო ფუნდამენტურ მიზეზებზე მიუთითებს – კერძოდ კი, პალის აზრით, გლობალურ ეკონომიკაში ლიკვიდურობისა და კაპიტალის დეფიციტზე.

მისი შეფასებით, დამატებითი როლი ოქროს ფასის ზრდამაც ითამაშა. ამ ძვირფასმა ლითონმა ეფექტურად მიითვისა ხელმისაწვდომი სახსრები, რომლებიც სხვა ვითარებაში შესაძლოა უფრო სარისკო ინსტრუმენტებში, როგორიცაა ბიტკოინი ან ტექნოლოგიური აქციები, ყოფილიყო მიმართული. როდესაც ლიკვიდურობა შეზღუდულია, ბაზარი ძირითადად მაღალი რისკის შემცველ აქტივებში პოზიციებს ამცირებს.

ცოტა ხნით ადრე, პლატფორმა CryptoQuant-ის სპეციალისტებმა განაცხადეს, რომ 2025 წლის ბოლოდან მკვეთრად გაიზარდა ბიტკოინის გაყიდვები იმ მისამართებიდან, რომლებზეც კრიპტოვალუტები წლების განმავლობაში ინახებოდა. მათმა მფლობელებმა ბიტკოინის ახალ ისტორიულ მაქსიმუმს აღარ დაუცადეს.

წყარო: https://x.com/raoulgmi/status/2018033116351254664