by shaksen 
რა არის ბიტკოინი?
კრიპტოვალუტა ყველაზე პოპულარული და პირველი დეცენტრალიზებული კრიპტო ვალუტაა, რომელიც 2008 წელს შეიქმნა. ბიტკოინის წარმოშობა სატოში ნაკამოტოს სახელი ცნობილ პროგრამისტთან არის დაკავშირებული. სწორედ მან შექმნა და ქსელში გაუშვა ბიტკოინის პროტოკოლი. სტანდარტული ვალუტებისგან განსხვავებთ, ის ფიზიკურად არ იბეჭდება, არამედ წარმოიქმნება, ინახება და იხარჯება ელექტრონულად. ის სრულიად დეცენტრალიზებულია, რადგან არ კონტროლდება რომელიმე სახელმწიფოს ან ბანკის მიერ.
როგორ იქმნება ბიტკოინი და რა არის მაინინგი?
ბიტკოინი არის ციფრული ვალუტა, რომელიც იქმნება კომპიუტერული ქსელის საშუალებით. მისი შექმნა ხდება რთული მათემატიკური პროცესების შედეგად. ამ პროცესს მაინინგი ეწოდება.
ტრადიციული ვალუტებისგან განსხვავებით, ბიტკოინი არ იბეჭდება ცენტრალური ბანკების მიერ. იგი ეფუძნება მათემატიკას და კომპიუტერულ ალგორითმებს.
მაინინგის დროს კომპიუტერები ამოწმებენ ბიტკოინით შესრულებულ ტრანზაქციებს. ამის სანაცვლოდ მაინერები იღებენ ახალ ბიტკოინებს. პროცესი სრულად ავტომატიზებულია და მუშაობს სპეციალური პროგრამული უზრუნველყოფის დახმარებით.
ბიტკოინის ქსელი ღიაა. მისი პროგრამული კოდი საჯაროა და ნებისმიერ ადამიანს შეუძლია მონაწილეობა მიიღოს პროცესში.
მაინინგისთვის საჭიროა ძლიერი კომპიუტერები ან სპეციალური მოწყობილობები. ბოლო წლებში გაჩნდა აპლიკაციებიც, რომლებიც სმარტფონით მაინინგს გვთავაზობს, თუმცა მათი ეფექტურობა შეზღუდულია.
ბიტკოინის რაოდენობა
ბიტკოინის რაოდენობა შეზღუდულია. ჯამში შეიძლება არსებობდეს მხოლოდ 21 მილიონი ბიტკოინი. ეს შეზღუდვა განსაზღვრულია ბიტკოინის პროტოკოლში.
ბიტკოინი იყოფა უფრო მცირე ერთეულებად. მისი უმცირესი ნაწილი „სატოში“ (Satoshi) ჰქვია და წარმოადგენს ბიტკოინის ასი მემილიონედს.
რა არის ბლოკჩეინი?
ყველა ტრანზაქცია ინახება საჯარო მონაცემთა ბაზაში, რომელსაც ბლოკჩეინი ეწოდება. ეს არის საერთო რეესტრი, რომლის ნახვაც ნებისმიერ ადამიანს შეუძლია.
მიუხედავად გამჭვირვალობისა, მომხმარებლის ვინაობა არ ჩანს. ბიტკოინის მისამართები არ შეიცავს პირად ინფორმაციას.
ტრანზაქციის გაყალბება პრაქტიკულად შეუძლებელია, რადგან მონაცემები ერთდროულად ინახება ათასობით კომპიუტერზე.
ბიტკოინის მთავარი განსხვავებები ტრადიციული ვალუტებისგან
-
ბიტკოინი დეცენტრალიზებულია და არ კონტროლდება ერთი ინსტიტუციის მიერ
-
ტრანზაქციები ხდება ბანკების გარეშე
-
ქსელი მუშაობს 24/7
-
მიწოდება შეზღუდულია (21 მილიონი BTC)
ტრადიციული ვალუტა ცენტრალური ბანკების მიერ კონტროლდება. საჭიროების შემთხვევაში შესაძლებელია მისი დამატებითი გამოშვება, რაც ხშირად იწვევს ინფლაციას. ბიტკოინის შემთხვევაში ეს შეუძლებელია.
ბიტკოინის უპირატესობები
ბიტკოინის ქსელში ჩართვა მარტივია. მისამართის შექმნა რამდენიმე წამში შეიძლება. მომხმარებელი დამოუკიდებელია საბანკო სისტემისგან.
ქსელი გამჭვირვალეა, თუმცა პირადი მონაცემები დაცულია. ნებისმიერ ადამიანს შეუძლია ტრანზაქციების ნახვა, მაგრამ მისამართის მფლობელის იდენტიფიცირება შეუძლებელია.
ბიტკოინის ტრანზაქციის საკომისიო მინიმალურია
ბანკები საერთაშორისო ფულად გზავნილებზე საკმაოდ დიდ საკომისიოებს აწესებენ. ბიტკოინების შემთხვევაში ტრანზაქციის საკომისიო მიზერულია.
ტრანზაქცია სწრაფი და მოქნილია
მსოფლიოს ნებისმიერი ერთი წერტილიდან შეგიძლიათ ფული გაგზავნოთ ნებისმიერ მეორე წერტილში და ბიტკოინის შემთხვევაში ეს მხოლოდ რამდენიმე წუთის საკითხია.
თუ გინდა გაიგო მარტივად, როგორ მუშაობს ბიტკოინი, წაიკითხე ეს სტატია.
