რა არის კრიპტო ბაზრის მთავარი კატალიზატორი

რა არის კრიპტო ბაზრის მთავარი კატალიზატორი

ანალიტიკოს მაიკლ ვან დე პოპის თქმით, კრიპტო ბაზრის მონაწილეები დიდ ყურადღებას პოლიტიკოსთა დაპირებებს უთმობენ მაშინ, როცა კრიპტო ინდუსტრიაზე რეალურ გავლენას სინამდვილეში შეერთებულ შტატებში შრომის ბაზრის სტატისტიკა ახდენს.

მაიკლ ვან დე პოპმა (Michaël van de Poppe) ხაზგასმით აღნიშნა, რომ აშშ-ის მოახლოებული საპრეზიდენტო არჩევნები შესაძლოა ინდუსტრიისთვის არც ისე მნიშვნელოვანი აღმოჩნდეს.

„ჩვენ არჩევნების მნიშვნელობას გადაჭარბებულად ვაფასებთ და შრომის ბაზრის მაჩვენებლებს სრულად უგულებელვყოფთ. თუმცა, ბოლო ორი წლის პოლიტიკის რეალურ შედეგებს სწორედ ისინი ასახავენ. რატომღაც, ინდუსტრიის ამ მთავარ კატალიზატორს ცოტა ვინმე თუ აქცევს ყურადღებას.“

ექსპერტის თქმით, ის თუ რა მიმართულეით განვითარდება კრიპტო ბაზარი 2024 წლის ბოლოსა და 2025 წლის დასაწყისში, მომდევნო ორი კვირის განმავლობაში გახდება ცნობილი. მისი მოსაზრებით, თუ აშშ-ში დასაქმებულთა რაოდენობის ზრდა მოლოდინს გადააჭარბებს და ამის ფონზე კამალა ჰარისი პრეზიდენტი გახდება, ბიტკოინი 61000 დოლარამდე დაეცემა.

ხოლო თუ შრომის ბაზრის სტატისტიკა უარყოფით დინამიკას აჩვენებს და არჩევნებში დონალდ ტრამპი (Donald Trump) გაიმარჯვებს, პირველი კრიპტოვალუტა, შესაძლოა პირიქით – გაიზარდოს და 80 000 დოლარს მიაღწიოს, ვარაუდობს ანალიტიკოსი.

ექსპერტი ასევე მიიჩნევს, რომ ამ დროისთვის ბევრი რამ შეერთებული შტატების მაკროეკონომიკურ მაჩვენებლებზე და სახელმწიფო ობლიგაციების შემოსავალზე არის დამოკიდებული. მისი აზრით, სწორედ მათ უნდა დავაკვირდეთ და პოლიტიკურ ლოზუნგებს ნაკლებად მივაქციოთ ყურადღება.

მანამდე CryptoQuant-ის ანალიტიკოსმა ფსევდონიმით Woominkyu განაცხადა, რომ ბიტკოინის ზრდის მიუხედავად, კრიპტო ბაზარი „სრულფასოვანი ხარის რბოლისთვის“ ჯერ კიდევ არ არის მზად. თუმცა, არსებობს ფაქტორი, რომელმაც შესაძლოა რალი გამოიწვიოს.