რეგულატორის მხარდაჭერით კრიპტოვალუტა სწრაფად განვითარდება

მარეგულირებლის მხარდაჭერით კრიპტოვალუტა სწრაფად განვითარდება

კომპანია VanEck-ის აღმასრულებელი დირექტორი იან ვან ეკის აზრით, ბლოკჩეინი, კრიპტოვალუტები და NFT ინდუსტრია ბევრად უფრო სწრაფად განვითარდება, მარეგულირებლები  მათ მიმართ უფრო მეგობრულად რომ იყონ განწყობილი.

იან ვან ეკი (Jan van Eck) მიიჩნევს, რომ კრიპტოვალუტის ინდუსტრია ასე თუ ისე წინ წავა და ბლოკჩეინს შეუძლია წამყვანი ფინანსური ინსტიტუტების საქმიანობაში „რევოლუციური“ ცვლილებები შეიტანოს .

ვან ეკი ასევე შეუცვლელი ტოკენების (NFT) თემას შეეხო და მათ “ფენომენი” უწოდა. ერთადერთი მიზეზი, რის გამოც ამ ინდუსტრიების განვითარება შეიძლება შეფერხდეს, მარეგულირებლები არიან.

როგორც ვან ეკმა აღნიშნა, ინდუსტრიას მათთან ურთიერთობა მუდმივად სჭირდება,

მაგრამ  უახლესი ტექნოლოგიების შესაძლებლობების ყველა მარეგულირებელს არ სჯერა.

„გერმანია  კრიპტოვალუტების მიმართ მეგობრულია, ასევე შვეიცარიაც.

ევროპული ქვეყნების მიერ კრიპტოვალუტების მხარდაჭერას ინდუსტრიისთვის განვითარების დამატებითი სტიმულის მიცემა შეუძლია.

გასაკვირია, რომ დიდი ბრიტანეთის გარდა თითქმის მთელი ევროპა  კრიპტოვალუტების ერთგულია. ეს შავისა და თეთრის კონტრასტს ჰგავს“, – თქვა ვან ეკმა.

გასულ წელს, აშშ-ის ფასიანი ქაღალდებისა და ბირჟის კომისიამ (SEC)  VanEck-ს ბიტკოინთან დაკავშირებულ ETF-ზე უარი განუცხადა.

სააგენტომ მიიჩნია რომ კომპანია კრიპტოვალუტის ბაზარზე თაღლითობასა და ბაზრის მანიპულირებასთან დაკავშირებული რისკების თავიდან აცილებას ვერ შეძლებს.

თავის ინტერვიუში ვან ეკმა  SEC-ის უარის გამო დიდი იმედგაცრუება გამოხატა. 

იგი მიიჩნევს, რომ დეპარტამენტს კომპანიის საჭიროებების დაკმაყოფილება და მასთან თანამშრომლობა არც კი უცდია. ის არ არის დარწმუნებული, შეიცვლება თუ არა სიტუაცია უკეთესობისკენ უახლოეს მომავალში.

„მარეგულირებლებმა საკუთარი პოზიცია უკვე ჩამოაყალიბეს . მათ არაფრის გადაწყვეტა არ სურთ, სანამ კანონმდებლობა არ დაზუსტდება.

გასულ წელს არაფერი მომხდარა – კრიპტო კომპანიებს მხოლოდ სააღსრულებო ქმედებები დაეკისრათ. წელსაც ყველაფერი ძველებურად იქნება. ნიძლავს დავდებ, რომ მომავალ წელსაც ყველაფერი ერთ ადგილზე გაჩერდება. ასეთი ტემპით სწრაფად ვერაფერი  განვითარდება“ თქვა ვან ეკმა.

ადრე VanEck-ის აღმასრულებელმა დირექტორმა განაცხადა, რომ სტეიბლკოინების ბანკების მსგავსად რეგულირება შეუძლებელია, ბევრად მიზანშეწონილია მათი როგორც საინვესტიციო ფონდების კონტროლი.