რეპერმა ეიკონმა გამოაქვეყნა თავისი Akoin-ის ტოკენის თეთრი ფურცელი

პოპულარულმა რეპერმა და გრემის ჯილდოს გამარჯვებულმა ეიკონმა გამოუშვა თავისი Akoin-ის ტოკენის თეთრი ფურცელი, რომელიც ამოქმედდება Stellar-ის ბლოკჩეინის ბაზაზე.

დოკუმენტში აღწერილი ტოკენი, შექმნილია აფრიკაში და მთელ მსოფლიოში მზარდი ეკონომიკის მეწარმეებისთვის. როგორც ჩანს, Akoin-ი იქნება სერვისული ტოკენი, რომელიც გამოიყენება როგორც სვოპი კრიპტოვალუტებსა, ფიატ ფულსა და მობილურ ტელეფონებზე კრედიტებს შორის. ეს უკანასკნელი ხშირად მუშაობს ქვეყანაში ვალუტის სახით.

”ჩვენ ბევრი ვალუტა გვაქვს აფრიკაში. მათი უმეტესობა არასტაბილურია და უმრავლესობა მათ არ ენდობა. მე მივხვდი, რომ ხშირად აფრიკაში რიგითი ხალხი ვალუტასაც კი არ იყენებს – ისინი მობილური ტელეფონებზე ნაშთებს იყენებენ როგორც გადახდის საშუალებებს სამომხმარებლო საქონლისთვის, მაგალითად, თევზისთის და ხილისთვის. მაგრამ სოფლის გარეთ, ეს აღარ მუშაობს. ჩვენ გვინდა გადავცეთ ეს გამოცდილება აფრიკის საზღვრებს გარეთ, ”- თქვა ეიკონმა.

ტოკენების გამოყენება შესაძლებელი იქნება აგრეთვე, როგორც საკომისიოს გადახდის საშუალება აპლიკაციების ჩამონათვალისა და რეკლამირებისათვის, ასევე გაცვლით საშუალებად. შესაძლებელი იქნება Akoin- ის ტოკენების შენახვა როგორც Stellar-ის საფულეში, ასევე Akoin- ის საკუთარ საფულეში.

პლატფორმა იმედოვნებს, რომ მოიზიდავს დეცენტრალიზებული აპლიკაციების დეველოპერებს და უკვე მოაწერა პარტნიორობის ხელშეკრულებები BitMinutes-თან, რაც საშუალებას მისცემს Akoin- ს ინტეგრირება განახორციელოს მობილურის საკრედიტო სისტემასთან. ამავე დროს, BitMinutes გეგმავს საკუთარი აპლიკაციების გამოშვებას Akoin-ის სისტემაში.

უკვე მიმდინარე წლის მეორე კვარტალში გაიმართება საწყისი საბირჟო შეთავაზება (IEO) ”კრიპტოვალუტის მთავარ ბირჟაზე”, ხოლო ტოკენების მთლიანი რაოდენობის 10% გამოიყოფა IEO– ზე. სულ 45 მილიონი Akoin-ის ტოკენი გაიყიდება თითოეული 0,15 დოლარად, ანუ, ეიკონი იმედოვნებს, რომ პირველ ეტაპზე უკვე $ 6,75 მილიონი დოლარის მოგებას შეძლებს.

ტოკენების საერთო რაოდენობის დანარჩენი 90% გადანაწილდება მრჩეველთა შორის (5%), განვითარების გუნდსა და ფონდს (თითოეულს 10%), Akoin-ის ბირჟაზე (15%) და 20% დარჩება საცავში. დანარჩენი 30%-ი განთავსდება ესკროუ- ფონდში, საიდანაც ყოველ თვე გაიცემა ტოკენების 2%-ი.

ეიკონს ასევე აქვს გეგმა Akoncity-ის, ჭკვიანი ქალაქის აშენება, რომლის ეკონომიკა დაფუძნდება Akoin ტოკენზე. ამ მიზნებისათვის სენეგალის მთავრობამ უკვე გამოყო 2,000 ჰექტარი მიწის ნაკვეთი, ხოლო მშენებლობა 5-10 წელიწადში უნდა დასრულდეს. მომავალში, მსგავსი ქალაქები უნდა გამოჩნდეს აფრიკის ყველა მთავარ ქვეყანაში.

გასულ წელს რეპერი გამოვიდა კრიპტოვალუტების მხარდასაჭერად და თქვა, რომ ბიტკოინი ბევრად უკეთესია, ვიდრე აშშ დოლარი, რომელიც “უზრუნველყოფილია მხოლოდ სამხედრო ძალით”.