რობერტ კიოსაკი მეტი ბიტკოინების ყიდვას გვირჩევს

რობერტ კიოსაკი მეტი ბიტკოინების ყიდვას გვირჩევს

ბესტსელერი წიგნის Rich Dad Poor Dad-ის ავტორის განცხადებით, ის მხარს უჭერს პირველ კრიპტოვალუტას, ისევე როგორც ოქროსა და ვერცხლში ინვესტირებას, რადგან არც ფედერალურ სარეზერვო სისტემას და არც აშშ-ს პრეზიდენტს არ ენდობა.

„ბიტკოინი ერთ წელიწადში თითქმის 100%-ით გაიზარდა. გააგრძელებს თუ არა BTC ზრდას? ამაზე ფსონს ჩამოვდივარ. ვყიდულობ მეტ ოქროს და ვერცხლს. რატომ არის საჭირო მეტი ოქროს, ვერცხლის და ბიტკოინის შეძენა? იმიტომ, რომ ფედერალური რეზერვიც, ხაზინაც და ჯო ბაიდენიც მატყუარები არიან.“- დაწერა რობერტ კიოსაკიმ (Robert Kiyosaki) ტვიტერზე.

კიოსაკი ხშირად იმეორებს, რომ ამერიკულ და გლობალურ ეკონომიკას წინ რთული პერიოდი ელოდება.

ამიტომ, გამოცდილი ინვესტორი ხალხს ძვირფას ლითონებსა და ბიტკოინში ინვესტირებისკენ მოუწოდებს, რათა ინფლაციისგან თავის დაცვა და დანაზოგის შენარჩუნება შეძლონ.

კიოსაკის არაერთხელ აღუნიშნავს, რომ პირველი კრიპტოვალუტის პერსპექტივების სჯერა. მისი განცხადებით, ბიტკოინის ზრდას კრიპტო ბირჟა FTX-ის დაშლაც კი ვერ შეუშლის ხელს.

მწერლისა და ეკონომისტის მტკიცებით, გლობალური საფონდო ბაზრების დაცემის დროს კრიპტოვალუტები ყველაზე საიმედო დაცვაა, BTC-ის ფასის ამჟამინდელი ცვლილებები კი მას კიდევ უფრო მიმზიდველს ხდის.

ამასთან, თავად კიოსაკიმ ბიტკოინში ინვესტიცია მაშინ განახორციელა, როდესაც კურსი 6000$-ს შეადგენდა და შეძენილი მარაგის შენახვას კვლავაც აგრძელებს.