სალვადორის მთავრობა ბიტკოინის შესყიდვაზე ინფორმაციას მალავს

სალვადორის მთავრობა ბიტკოინის  შესყიდვაზე ინფორმაციას მალავს 

სალვადორის განვითარების ბანკმა ანტიკორუფციული ბიუროსთვის  ბიტკოინის სახელმწიფო შესყიდვების შესახებ მონაცემების გადაცემაზე უარი განაცხადა.

არასამთავრობო ანტიკორუფციულმა  ორგანიზაციამ მოითხოვა საბანკო ინფორმაცია 150 მილიონი აშშ დოლარის სატრასტო ფონდის შესახებ, რომელიც BTC-ის დოლარაში კონვერტაციას უზრუნველყოფს.

სალვადორის განვითარების სახელმწიფო ბანკმა BANDESAL, რომელიც ბიტკოინით ვაჭრობაზეა პასუხისმგებელი, არასამთავრობო ანტიკორუფციული ბიურო ALAC El Salvador-ისთვის ინფორმაციის მიწოდებაზე უარი თქვა.

BANDESAL-ის განცხადებით, Bitcoin Trust-თან (FIDEBITCOIN) დაკავშირებული ინფორმაციის გადაცემა ეროვნული ინტერესების დაცვიდან გამომდინარე დაუშვებელია.

ანტიკორუფციული ორგანიზაცია ბანკის უარით არ დაკმაყოფილდა. ორგანიზაციას მიაჩნია, რომ BANDESAL ვალდებულია  ბიტკოინის მხარდაჭერის ფონდის ტრანზაქციების შესახებ ინფორმაცია გასცეს, ვინაიდან კრიპტოვალუტა სახელმწიფო ფულით არის შეძენილი.

„კონფიდენციალურობა მოქალაქეებს უზღუდავს შესაძლებლობას,  BANDESAL-ის მიერ სახელმწიფო სახსრებით განხორციელებული ტრანზაქციების შესახებ  ინფორმაცია მიიღონ.“

სალვადორის მთავრობამ ბიტკოინის ბოლო შესყიდვა ივლისში განახორციელა.

ქვეყნის პრეზიდენტ ნაიბ ბუკელეს (Nayib Bukele) განცხადებით, 19000$-ის კურსის პირობებში   1,5 მილიონ დოლარად 80 BTC-ის შეძენა მოხდა. ამრიგად, სალვადორმა პირველი კრიპტოვალუტის  შესყიდვა ჯამში 11-ჯერ განახორციელა. ამჟამად, სალვადორი 2381 BTC-ს ფლობს.

სალვადორის ხაზინაში ბიტკოინების ღირებულება წელიწადში  103,9 მილიონი დოლარიდან  დაახლოებით 45 მილიონ დოლარამდე დაეცა.